1 Samuel 14:1 - Chayahuita (Shahui)

^1-2 Aꞌna tahuëri Conatansoꞌ, catahuarinso sontaronën itapon: —Huëquë paꞌa. Motopi paꞌtatë huiristino sontaroꞌsa aquëtëran nisapisoꞌ, ahuëcontaꞌa, itërin. Conatanso ina pochin yonquiaponahuëꞌ, co paꞌpin shaꞌhuitërinhuëꞌ. Inasoꞌ, sontaronënpitarë chachin Quipia ninano naniconinquë nëꞌmëtë pëinëna ótënatona yaꞌhuëapi. Saonosoꞌ cranata narasoquë nisarin. Inaquë chachin trico toꞌnoroꞌsanta sacatapi. Saota pasa sontaroꞌsari Saono caꞌtanpi.

1 Samuel 14:1 ပူးပေါင်းရင်းမြစ်များ

Jueces 14:6

Naporoꞌ Sinioro ispiritonëni noyá yaꞌcoancantërin. Yaꞌcoancantohuachina, paꞌpiniꞌ manin nicaso chipoaꞌhua onoatë pochin nitërin. Co maꞌsha tëranta sëꞌquëaponahuëꞌ napotërin. Napoaponahuë naporinsoꞌ, co paꞌpin, aꞌshin, inapita shaꞌhuitërinhuëꞌ.

Jueces 6:27

Napotohuachina Quitionosoꞌ catahuacaiso marëꞌ shonca piyapinënpita quëparin. Inapitari catahuarin niꞌton, yaꞌipi Siniorori camairinso ninin. Napoaponahuëꞌ, co tahuëri inaporinhuëꞌ. Paꞌpin quëmopinënpita, ina ninanoquë yaꞌhuëpisopita, inapita tëꞌhuataton, tashi inaporin.

1 Samuel 13:22

Napoaton Saono, Conatan, inapitaráchin sahuëni, nansa, inapita yaꞌhuëtopi. Sontaronënapitaso ahuëtohuachinara, co aꞌnaya tëranta inapita yaꞌhuëtopihuëꞌ.

1 Samuel 13:23

Napoasoi aꞌna huëntonaca huiristino sontaroꞌsa Miquimasi motopitaëchin paꞌsapi.