1 Samuel 13:4 - Chayahuita (Shahui)

⁴ Conatan sontaronënpitarë chachin napopisoꞌ yaꞌipi israiroꞌsa natantopi. Ina marëꞌ huiristinoꞌsari noꞌhuipisonta natantopi. Ina nitotatonaꞌ, Saonorëꞌ Quiricaroquë yaꞌipiya niyontonpi.

1 Samuel 13:4 ပူးပေါင်းရင်းမြစ်များ

Génesis 34:30

Simion, Nihui, inapita huënantahuachinara, paꞌpinari itapon: —Canpitaso napoatomaꞌ, sacai anoyataꞌhuaso nitëramaco. Cananoꞌsaꞌ, huirisëroꞌsa inapitasoꞌ, yaꞌhuëhuanoꞌsaꞌ. Naporamaso natantohuachinaꞌ, noꞌhuiponaco caso huachi. Nihuëntonahuatona ahuëaponaco. Caso co naꞌashahuëꞌ piyapinëhuëpita yaꞌhuëtërinco niꞌton, yaꞌipinpoa tiquiaponënpoaꞌ, itërin.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Josué 5:9

Naporoꞌ Siniorori Cosoi itapon: Iquipitoroꞌsa marëꞌ israiroꞌsa sacatatonaꞌ, taparo nisápirinahuëꞌ, cari inquitërahuë huachi. Iporasoꞌ marcahuanatonaꞌ, co huachi taparo nipihuëꞌ. Napoaton ina roꞌtësoꞌ, Quiricaro, itopi.

1 Samuel 10:8

Naporahuaton Quiricaroquë quëchitaton paquëꞌ. Inaquë cantaꞌ, oshaquëranchin paꞌsarahuë. Inaquë Sinioro marëꞌ maꞌsharoꞌsa tëparahuato yaꞌipi ahuiquitarahuë. Aꞌnaquëontaꞌ, nanan anoyatërëhuaso marëꞌ maꞌsharoꞌsa tëparahuato, piꞌpian ahuiquitarahuë. Inaquë canchisë tahuëri ninaco. Cancona huarëꞌ ninaco. Naporoꞌ shaꞌhuitaranquën maꞌsona nicacaso yaꞌhuërinsoꞌ, itërin.