1 Samuel 13:3 - Chayahuita (Shahui)

³ Aꞌna tahuëri Conatansoꞌ, sontaronënpitarë chachin Quipia ninanoquë paꞌnin. Inaquë huiristino sontaroꞌsa sirihuitopiquë yaꞌhuërin. Inaquë inaso sontaronënpitarë chachin ahuëtahuatonaꞌ, huiristino sontaroꞌsa tiquipi. Aꞌnapita huiristinoꞌsanta napoaponahuëꞌ, israiroꞌsa napopisoꞌ natantopi. Saononta ina natanahuaton, yaꞌipi israiroꞌsa yaꞌhuëpiquë tronpita pihuicaisoꞌ camaitërin. Yaꞌipi Israiro sontaroꞌsa niyontonatona ahuëtacaiso marëꞌ naporin.

1 Samuel 13:3 ပူးပေါင်းရင်းမြစ်များ

Jueces 6:34

Napoaponahuëꞌ, Yosë ispiritonëni Quitiono yaꞌcoancantërin huachi. Yaꞌcoancantohuachina, carniro pomon pihuirin. Yaꞌipi Apisiro huëntonaꞌhua sontaroꞌsa niyontonacaiso marëꞌ, pihuirin.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.