1 Samuel 13:19 - Chayahuita (Shahui)

¹⁹ Yaꞌipi israiroꞌsa noꞌpanënaquë co aꞌnaya tëranta huaꞌna camayo yaꞌhuërinhuëꞌ. Huiristinoꞌsaso ina nitotoroꞌsa niponaraihuëꞌ, co israiroꞌsa yaaꞌchintopihuëꞌ: “Aꞌchintohuatëhuaꞌ, inahuanta ahuëtacaiso marëꞌ sahuëniroꞌsaꞌ, nansaroꞌsaꞌ, inapita nisapi,” taꞌtonaꞌ, apiratopi aꞌchintacaisoꞌ.

1 Samuel 13:19 ပူးပေါင်းရင်းမြစ်များ

2 Reyes 24:14

Naporahuaton Quirosarinquë yaꞌhuëpisopita, yaꞌipi pochin quiquirin. Huaꞌanoꞌsa nipisopita, noya noya sontaroꞌsaꞌ, maꞌsha ninaꞌpiroꞌsaꞌ, huaꞌna camayoroꞌsaꞌ, inapita. Yaꞌipiya quëran shonca huaranca yaꞌpi pochin quëpapi. Caraya pochin piyapiꞌsa Cota huëntonquë quëparitopi. Saꞌa saꞌahua nipisopitaráchin patopi. Naporoꞌ Coaquin copirnontaꞌ, aꞌshinë chachin quëpapi. Saꞌinpita, huaꞌanoꞌsaꞌ, maꞌhuanoꞌsaꞌ, yaꞌipi inapita Quirosarin quëran Papironiaꞌpaꞌ quëpapi. Canchisë huaranca sontaroꞌsa míso ahuëtopiráchin quëpapi. Maꞌsha ninaꞌpiroꞌsaꞌ, huaꞌna camayoroꞌsa inapitantaꞌ, huaranca icanpi.

Isaías 54:16

Niꞌquëꞌ. Cari huaꞌna camayo ninahuë. Inasoꞌ, pënaya ahuënarataton sacatërin. Huaꞌna asoquirahuaton, ahuëtacaiso marëꞌ ohuarapiso ninin. Ahuëtaton tiquitonaꞌpintaꞌ, cari ninahuë. Tiquitohuachina, naꞌcon tapitërin.

Jueces 5:8

Naní quëran israiroꞌsasoꞌ mamanshiroꞌsa mosharapi. “Nasha yosëroꞌsaꞌ,” taꞌtona moshapi. Aꞌnapita israiroꞌsaso inimico ahuëasoi naporapi. Ninano yaꞌcoanaroꞌsaquë huëꞌpachinara, ahuëasoi naporapi. Catapini shonca huaranca Israiro sontaroꞌsa yaꞌhuëpi. Yaꞌhuëaponaraihuëꞌ, iscoto nipaꞌshintacaisoꞌ capa. Co nansa tëranta yaꞌhuëtopihuëꞌ.

1 Samuel 13:20

Israiroꞌsa noꞌpaꞌ ohuërëpiso huaꞌnatë achiꞌmohuachinara, huiristinoꞌsa paapapi. Atoꞌnatacaiso marëꞌ paapapi. Nanpanënaꞌ, imotonënaꞌ, osonënaꞌ, inapitanta achiꞌmohuachinara napopi.