1 Samuel 13:18 - Chayahuita (Shahui)

¹⁸ Aꞌna huëntontaꞌ, Piti-oron ninanoquë paꞌnin. Yaꞌhuërëꞌ aꞌna huëntonsoꞌ, Sipoin motopiana quëran motopiaꞌhua pantarinquë paꞌnin. Inotëro parti ira paꞌninꞌpaꞌ inasoꞌ.

1 Samuel 13:18 ပူးပေါင်းရင်းမြစ်များ

Génesis 10:19

Cananoꞌsa noꞌpaꞌ huaꞌanëntopisoꞌ, Quiraro parti huarëꞌ icanin. Siton ninano quëraontaꞌ, Casa ninanoquë huarëꞌ icanin. Naporahuaton, Sotoma, Comora, Atoma, Sipoin, inapita ninanoroꞌsataquëchin noꞌpaꞌ mapi. Nasa ninanoquë huarëꞌ noꞌpaꞌ huaꞌanëntopi.

Génesis 14:2

Inapitasoꞌ, isopita aꞌnatërápo copirnoroꞌsarëꞌ, niinimicotatona niahuërápi: Pira, Pirsa, Sinapo, Simipiri, inapita itopisoarëꞌ niahuërápi. Pirasoꞌ, Sotoma ninano copirno. Pirsanta Comora ninano copirno. Sinaposo nipirinhuëꞌ, Atoma ninano copirno. Simipirinta Sipoin ninano copirno. Pira ninanoaꞌhua copirnontaꞌ, inapita catahuarin. (Pira ninanoaꞌhuasoꞌ, Soaro itopi antaꞌ.) Inapitarëꞌ, aꞌnatërápo copirnoroꞌsaꞌ, Sitin motopiana itopiquë, sontaronënapita yontonpi ahuëtacaiso marëꞌ. Inaso motopiana, Chimiriiꞌ marë parti quëparitërin.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Josué 10:10

Sinioro nohuanton amororoꞌsa paꞌpi paꞌyanpi. Inapohuachinara, Cosoisoꞌ sontaronënpitarë chachin, notohuaroꞌ amororoꞌsa tëpapi. Capaon ninano tancapitapirinahuëꞌ, inapotopi. Aꞌnaquën amororoꞌsaso taꞌapirinahuëꞌ, israiroꞌsari imapi. Piti-oron ninanoquë ira paꞌninso parti imapi. Aꞌnaquëonta Asica ninanoꞌ, Maquita ninanoꞌ, inapita ninanoroꞌsa yaꞌhuërinso parti huarëꞌ taꞌapi. Napopirinahuë israiroꞌsari imatona notohuaroꞌ tëpapi.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

1 Samuel 14:15

Yaꞌipi huiristinoꞌsa yaꞌhuëapiquë panca paꞌyanpi. Aꞌnapita huëntonoꞌsa ahuëtacaiso marëꞌ paꞌpisopitanta napopi. Naporo chachin noꞌpanta nacontarin. Inapotaton Yosëri huiristinoꞌsa aꞌpayamiatërin.