1 Samuel 13:11 - Chayahuita (Shahui)

^11-12 Nontopirinhuëꞌ, Samoirorisoꞌ itapon: —¡Co quëma nicacasohuëꞌ nininsoꞌ nicaton, paꞌpi co noyahuëꞌ ninan! itërin. Napotohuachina Saonori itapon: —Huiristino sontaroꞌsa Miquimasëquë ahuëinacoiso marëꞌ huëꞌpi. Sontaronëhuëpita taꞌananpirinaco. Quëmanta co shaꞌhuiranso oraquë chachin canquiranhuëꞌ. Inapita nicato yonquirahuë: “Sinioro catahuainpoaso marëꞌ maꞌsha tëpatëhua ahuiquitërëhuaꞌ. Caso co inapochátërasocohuëꞌ, huiristino sontaroꞌsa Miquimasëquë oꞌmarahuatona ahuëhuachinaco, canaponaco,” tënahuë. Ina yonquiato Sinioro marëꞌ maꞌsha tëparahuato, yaꞌipi ahuiquitërahuë, itërin.

1 Samuel 13:11 ပူးပေါင်းရင်းမြစ်များ

Génesis 3:13

Napotohuachina, sanapi yaꞌhuërëꞌ tahuërëtahuaton, itapon: —¿Onpoatonta naporansoꞌ? itërin. —Yaꞌhuan nonpintërinco niꞌton, caꞌnahuë, tënin sanapi.

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

2 Reyes 5:25

Inapotahuaton, huaꞌanën nicapon paꞌnin. Cantonpachina huaꞌanëni: —¿Intohuaranta huëꞌsaran? itërin. —Co caso intohua tëranta paꞌnahuëꞌ, itërin inarisoꞌ.

1 Samuel 13:23

Napoasoi aꞌna huëntonaca huiristino sontaroꞌsa Miquimasi motopitaëchin paꞌsapi.

1 Samuel 13:5

Huiristino sontaroꞌsanta israiroꞌsa ahuëcaiso marëꞌ niyontonpi. Cara huaranca quira toronanoꞌsa yaꞌhuëtopi. Saota huaranca sontaroꞌsanta cahuarioquë paꞌpisopita yaꞌhuëtopi. Noꞌpaꞌ paꞌtopisopita sontaroꞌsanta huaꞌhuayátërahuë. Inotë marë yonsanquë yaꞌhuërinso pochin yaꞌhuëpi. Ina nápo niyontonahuatonaꞌ, Miquimasë parti notëtopi. Huëꞌsahuatonaꞌ, Piti-apin ninano quëran piꞌi pipirinso parti nëꞌmëtë pëinëna ótënaꞌpiapi.