1 Samuel 12:8 - Chayahuita (Shahui)

⁸ Cacopo huiꞌninpita, shinpita, inapita iráca Iquipitoquë paꞌpi. Paꞌpachinara, iquipitoroꞌsari chiníquën aparisitopi. Inapotohuachinara shimashonënpoapitasoꞌ, Sinioro nontopi huachi. Inariso natanahuaton, Moisësë, Aaron, inapita acorin catahuacaiso marëꞌ. Inapitari Iquipito quëran ocoirahuatonaꞌ, shimashonënpoapitasoꞌ iso noꞌpaquë yaꞌhuëcaiso marëꞌ quëpi.

1 Samuel 12:8 ပူးပေါင်းရင်းမြစ်များ

Salmos 105:44

Nisha nisha nacionoꞌsari noꞌpaꞌ huaꞌanëntopiso osërëtahuaton, inapita quëtërin. Sacatatona acopisopitantaꞌ, inapotërin.

Números 20:15

Shimashonëhuëipita iráca Iquipito parti paꞌpi. Inaquë huaꞌqui yaꞌhuëpi. Oshaquëranchin iquipitoroꞌsari, shimashonëhuëipita aparisitërin. Quiyanta yaꞌhuëantahuatoira, inapochachin aparisitërinacoi.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

Josué 1:6

Ama tëꞌhuatonhuëꞌ, chiníquën cancantëquëꞌ. Carinquën catahuaranquën inimicoroꞌsa minsëaran. Inapita minsërahuaton, noꞌpanëna israiroꞌsa patomataran. Nani shimashonënapita quëtaꞌhuasoꞌ shaꞌhuitërahuë niꞌton, inapotaran.

1 Samuel 10:18

Nani niyontonpachinara itapon: —Sinioro israiroꞌsanpoaꞌ chinotërëhuaso naporin: “Carinquëma Iquipito quëran ocoiranquëmaꞌ. Inapitasoꞌ chiníquën nanantatona aparisitápirinënquëmahuëꞌ, nichaꞌëranquëmaꞌ. Nisha nisha piyapiroꞌsanta canarahuatënënquëma aparisitërinëma quëran nichaꞌëranquëmaꞌ.

1 Samuel 12:6

Ina quëran Samoirosoꞌ yaꞌipi israiroꞌsa itaantapon: —Moisësë, Aaron, inapitari Iquipito quëran shimashonënpoapita ocoipi. Sinioro nohuanton napopi.