1 Samuel 12:3 - Chayahuita (Shahui)

³ Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.

1 Samuel 12:3 ပူးပေါင်းရင်းမြစ်များ

2 Samuel 22:22

Quëma camaitëransopita noꞌtëquën natërahuë. Pënëntëransopita noꞌtëquënáchin natërahuë.

Salmos 15:5

Aꞌna piyapi coriqui aꞌnanpatëhuaꞌ, co manta ananpëcaso nohuantarihuahuëꞌ. Aꞌna piyapi co manta tëhuëpirinhuëꞌ anaꞌintacaso marëꞌ pahuërëhuachinënpoaꞌ, co maꞌpatarihuahuëꞌ. Inaporëhuasopitasoꞌ, co onporonta toꞌcoitërëso pochin nisarëhuahuëꞌ.

Éxodo 20:17

Ama aꞌnapita maꞌshanën noyapatocosohuëꞌ: Saꞌinaꞌ, piyapinënapita, toronënaꞌ, moranënaꞌ, inapita co noyapatamaso yaꞌhuërinhuëꞌ. Co maꞌshanëna tëranta noyapatamaso yaꞌhuërinhuëꞌ,” itërin Yosëri israiroꞌsa pënënaton.

Mateo 22:21

—Noma copirno chachin, itopi. —Copirno coriquinën niꞌquëhuarëꞌ, quëtantacoꞌ. Naporahuaton, Yosë nininpoaꞌ niꞌton, huaꞌanëntërinpoaꞌ. Yaꞌipi cancanëma quëran ina natëcasoꞌ yaꞌhuërin, itërin.

Lucas 19:8

Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

Hechos 20:33

Aꞌchintohuatënquëmara, co aquëtëꞌ coriqui yonquirahuëꞌ. Aꞌna piyapi coriquinën co nohuantaparahuëꞌ. Co aꞌmopiso tërantaꞌ noyapatërahuëꞌ.

2 Corintios 12:14

Nani catoroꞌ niꞌconanquëmaꞌ. Iporasoꞌ naquëranchin nicaponquëmaꞌ yapaꞌsarahuë. Cantonpatënquëmaꞌ, co mantaꞌ maꞌpaaranquëmahuëꞌ. Co maꞌshanëmaꞌ nohuantërahuëꞌ. Canpita noya noya imacamasoꞌ nohuantërahuë. Huiꞌnahuëpita pochin niꞌnanquëmaꞌ. Huiꞌnanpoaꞌ co nocomarinpoahuëꞌ. Canpoari catahuacasoꞌ yaꞌhuërin.

1 Tesalonicenses 2:10

Noꞌtëquën Yosë natëtoi, noyasáchin ninai. Co mantaꞌ onpotërainquëmahuëꞌ. Yaꞌipi imaramasopita niꞌnamacoi. Yosëntaꞌ niꞌnincoi.

1 Tesalonicenses 2:5

Co noyasha nonatoi, yanonpintërainquëmahuëꞌ. Co canacaꞌhuaiso marëꞌ napotërainquëmahuëꞌ. Yosë niꞌsárincoi, noꞌtëquën nontërainquëmaꞌ.

1 Pedro 5:2

Quisoso imapisopita iyaroꞌsaꞌ noya niꞌcoꞌ. Yosë acorinquëmaꞌ yaꞌhuëramaquë aꞌchinacamaso marëꞌ. Huaꞌanëni ohuicanënpita noya aꞌpairinso pochin noya aꞌpaicoꞌ imamiachinaꞌ. Aꞌnaya tërantaꞌ co noyahuëꞌ nipachin, sanoanan quëran pënëncoꞌ noya yonquiantaꞌin. Nani tahuëri catahuacoꞌ noya imainaꞌ. Ama chirotomahuëꞌ, aꞌchincoꞌ. Ina pochin nicacasoꞌ Yosë nohuantërin. Niꞌton, canpitantaꞌ noya nohuantatomaꞌ, aꞌchincoꞌ. Ama canacaso marëꞌ aꞌchincosohuëꞌ. Nóya cancantatomaꞌ, Yosë marëꞌ sacatocoꞌ.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 12:4

Napotohuachina, inahuarisoꞌ itaponaꞌ: —Co onporonta ihuarancoihuëꞌ. Co aparisitërancoihuëꞌ. Co maꞌsha onpotërancoihuëꞌ. Co incoi tëranta pahuërëatëinquën anaꞌintancoiso chaꞌëtëraihuëꞌ, itopi.

1 Samuel 12:5

—Co maquë tëranta tëhuëtëranquëmasoꞌ nani shaꞌhuiramaꞌ. Siniorosoꞌ nani nataninquëmaꞌ. Copirno acorinsonta nani nataninquëmaꞌ, taantarin Samoiro. —Naporin mini, taantapi israiroꞌsaꞌ.

1 Samuel 24:11

Niꞌquë api. Aꞌmoranso yashitërahuësoꞌ, sëꞌquëárahuë. Yashitasoco nohuantërahuë naporini, tëpaꞌitënquënhuëꞌ. Napoaponahuëꞌ, co inapotëranquënhuëꞌ. Ina quëran nitotëquëꞌ, co manta yaonpotëranquënsohuëꞌ. Co aꞌnapita tëranta maꞌsha onpotiinënsoꞌ camairahuëꞌ. Co maquë tëranta tëhuëpirahuëꞌ quëmasoꞌ tëpaancoso marëꞌ, yonisáranco.

1 Samuel 24:6

Ina quëran piyapinënpita sacaronquë itapon: —¡Siniorori Saono huayonin copirno nicacaso marëꞌ! Napoaton carisoꞌ, co ina tëpaꞌhuaso nanitërahuëꞌ, itërin.

1 Samuel 24:7

Napotahuaton Tapisoꞌ, ama Saono tëpacaiso marëhuëꞌ piyapinënpita yaꞌcopirin. Inaso co manta yonquiaponahuëꞌ, ina quëran pipirin.