1 Samuel 12:20 - Chayahuita (Shahui)

²⁰ Napotohuachinara, Samoirorisoꞌ itapon: —Ama paꞌyancosohuëꞌ. Tëhuënchachin mini copirno acotiinquëmaso natanatomaꞌ, paꞌpi co noyahuëꞌ ninamaꞌ. Napopiramahuëꞌ, ama Sinioro aꞌpocosohuëꞌ. Yaꞌipi cancanëma quëran inasáchin chinotocoꞌ.

1 Samuel 12:20 ပူးပေါင်းရင်းမြစ်များ

Salmos 40:4

Sinioroíchin ninahuatëhuaꞌ, tëhuënchachin capa cancantarihuaꞌ. Co natëtochináchinhuëꞌ cancantopisopita, co catahuainposo marëꞌ yonirihuahuëꞌ. Mamanshi moshacaiso marëꞌ Yosë aꞌpopisopitantaꞌ, co tahuërëtarihuahuëꞌ.

Éxodo 32:30

Tahuëririnquë Moisësësoꞌ, yaꞌipi israiroꞌsa amatahuaton itapon: —Canpitaso panca tëhuëatoma oshahuanamaꞌ. Iporasoꞌ naquëranchin Sinioro yaꞌhuëarinquë paantaꞌhuaso yaꞌhuërin. Oshanëma marëꞌ nontontaꞌi, tapona yainquitápirinquëmahuëꞌ, itërin.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 31:29

Carimaso ipora nani camairanquëmaꞌ, noꞌtëquën imacamaso marëꞌ. Napoaponahuë nani chiminpato, ina aꞌporahuatoma nitapicancanaramaꞌ. Ina marëꞌ aꞌna tahuëri Yosë anaꞌintatënquëma aparisitarinquëmaꞌ. Sinioro niꞌsápirinquëmahuëꞌ, co noyahuëꞌ nisarama niꞌton, chiníquën anoꞌhuitaramaꞌ,” itërin Moisësëri.

1 Pedro 3:16

Ama noꞌhuitë pochin chiníquën shaꞌhuitocosohuëꞌ. Sanoanan quëran pënëncoꞌ. Yosë yonquihuatamaꞌ, noya shaꞌhuitaramaꞌ. Quisocristo imaramaꞌ niꞌton, noyasáchin nicatomaꞌ, noyápiachin cancantocoꞌ. Ina quëran pinopirinënquëmahuëꞌ, “Coꞌta noya nisapi. Quëmarisoꞌ nonpinapiran,” itarin aꞌnarintaꞌ. Itohuachina, pinotonaꞌpisoꞌ tapanarin.

1 Samuel 12:19

Napoaton yaꞌipiya quëran Samoiro itaponaꞌ: —Sinioroso Yosënën niꞌton, ina nontëquë quiya marëꞌ. Quiyasoꞌ quëma piyapinënpitacoi ninai. Ama anaꞌintatoncoi tëpaincoiso marëhuëꞌ ina nontëquëꞌ. Paꞌpi co noyahuëꞌ nicatoi oshahuanapiraihuëꞌ, copirno acotiincoiso natanatoi, naꞌcon naꞌcon tëhuërai, itopi.