1 Samuel 12:16 - Chayahuita (Shahui)

¹⁶ Ama patacosohuëꞌ. Inaquëranchin ninacoꞌ. Sinioro huëhuëpiro nininsoꞌ aꞌnotarinquëmaꞌ. Chini chiníquën nanantërinsoꞌ anitotiinquëmaso marëꞌ aꞌnotarinquëmaꞌ.

1 Samuel 12:16 ပူးပေါင်းရင်းမြစ်များ

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

1 Samuel 12:7

Iporasoꞌ noya natanco: Sinioronta niꞌsárinco niꞌton, noꞌtëquën ayonquiꞌinquëmaꞌ: “Ina catahuaarinpoaꞌ,” taꞌtomaꞌ, co copirno natanamaso nipirinhuëꞌ. Ina natantatomaꞌ, oshahuanamaꞌ. Paꞌa carinquëma Sinioro nosoroatonpoa catahuarinpoasoꞌ, ayonquiꞌinquëmaꞌ. Shimashonënpoapitanta catahuarinsoꞌ ayonquiꞌinquëmaꞌ.

1 Samuel 15:16

Itapirinhuëꞌ, Samoirori itapon: —¡Taꞌtëquëꞌ, achin tashi Sinioro anitotërincoso shaꞌhuichinquën! itërin —Shaꞌhuitoco nipachin, tënin Saono.