1 Samuel 10:9 - Chayahuita (Shahui)

⁹ Nani nontohuachina, Saonosoꞌ paꞌnin huachi. Ipora pataso chachin Yosëri yonquirinsoꞌ, anishatërin. Naporahuaton naporo tahuëri chachin yaꞌipi Samoirori shaꞌhuitërinsopita nanirin.

1 Samuel 10:9 ပူးပေါင်းရင်းမြစ်များ

Ezequiel 36:26

Nasha cancan quëtahuatënquëmaꞌ, ispiritonta nasha chachin ayaꞌcoancantaranquëmaꞌ. Naꞌpi pochin co natantochináchinhuëꞌ cancantopiramahuëꞌ, natëtochináchin cancan quëtaranquëmaꞌ.

Marcos 14:16

Paꞌsahuatonaꞌ, ninanoquë canconpi. Quisosori shaꞌhuitërinso chachin quënanconpi. Inaquë Pascoa cosharoꞌ nipi capacaiso marëꞌ.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.

Jueces 7:11

Inaquë paꞌmahuatan maꞌsona nonpisoꞌ natanquëꞌ. Naporoꞌ chiníquën cancantaton, ahuëtaran huachi,” itërin. Napotohuachina, piyapinënë chachin inimicoroꞌsa yaꞌhuëapiꞌpaꞌ paꞌmarin. Aquë aquë aꞌpaitopisopita nisapiquë huarëꞌ yaꞌcariimapi.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.