1 Samuel 10:6 - Chayahuita (Shahui)

⁶ Naporoꞌ Sinioro ispiritonën noyá yaꞌcoancantarinquën. Ina nohuanton quëmanta inapita pochin pënëntaran. Inapotahuatënquën Sinioro anishatarinquën.

1 Samuel 10:6 ပူးပေါင်းရင်းမြစ်များ

Números 11:17

Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Números 11:25

Naporoꞌ Siniorosoꞌ chitoroquë oꞌmarahuaton, Moisësë nontiimarin. Ina quëran napopinchin ispirito quëtërinsoꞌ matahuaton, canchisë shonca ansianoroꞌsa quëtërin. Inari yaꞌcoancantohuachina, pënëntonaꞌpiroꞌsa pochin caniaritopi Yosë yonquirinsoꞌ shaꞌhuicaisoꞌ. Napoaponahuë napopisoꞌ, naporoíchin naporin.

Números 11:26

Cato yaꞌpinta Moisësëri huayonpirinhuëꞌ, co chinotopiso pëiquë paꞌpihuëꞌ. Inapitasoꞌ, Iritato, Mitato, inapita itopi. Inapitanta ispiritori yaꞌcoancantërin niꞌton, yaꞌhuëpiquëranchin caniaritopi Yosë yonquirinsoꞌ shaꞌhuicaisoꞌ.

Números 11:29

Inari napotohuachina, Moisësëso naporin: —¡Ama aꞌpitocosohuëꞌ! Inapitanta pënënchinaꞌ. Yaꞌipi israiroꞌsa Siniorori, ispiritonën ayaꞌcoancantërin niꞌton, ina yonquirinso shaꞌhuirapi naporini, noya noya niitonhuëꞌ.

Mateo 7:22

Ayaroꞌ tahuëri nanihuachin, naꞌa piyapiꞌsaꞌ nontaponaco: ‘Quëma nanamën Sinioro shaꞌhuirai. Quisoso nanan quëtërincoi, taꞌtoi sopairoꞌsaꞌ aꞌparai. Quëma pochin sacaiꞌ nininsopita ninai,’ itaponaco.

Jueces 14:6

Naporoꞌ Sinioro ispiritonëni noyá yaꞌcoancantërin. Yaꞌcoancantohuachina, paꞌpiniꞌ manin nicaso chipoaꞌhua onoatë pochin nitërin. Co maꞌsha tëranta sëꞌquëaponahuëꞌ napotërin. Napoaponahuë naporinsoꞌ, co paꞌpin, aꞌshin, inapita shaꞌhuitërinhuëꞌ.

Jueces 15:14

Nii itopiquë canconpachinara huiristinoꞌsasoꞌ, capa cancantatona noncarorëꞌnachin nacapitapi. Capa cancantapirinahuëꞌ, Sinioro ispiritonëni Sanson yaꞌcoancantërin. Naporoꞌ tanpaquën, imirin, inapita tonpopisoꞌ oshitërin. Rino piꞌshi pënquë aꞌpërëso pochin nitaton oshitërin.

1 Samuel 10:10

Ina quëran Saono piyapinënë chachin Quipiaquë canconpi. Canconpachinara, aꞌna huëntonaca pënëntonaꞌpiroꞌsari nacapirin. Yosë yonquirinso shaꞌhuirëꞌnachin, huëꞌsapi nacapirin. Naporoꞌ Yosë ispiritonëni noyá yaꞌcoancantërin. Napoaton Saononta inapita pochachin Yosë yonquirinsoꞌ shaꞌhuirarin.

1 Samuel 10:9

Nani nontohuachina, Saonosoꞌ paꞌnin huachi. Ipora pataso chachin Yosëri yonquirinsoꞌ, anishatërin. Naporahuaton naporo tahuëri chachin yaꞌipi Samoirori shaꞌhuitërinsopita nanirin.

1 Samuel 11:6

Ina natanpachina, Saonoso Yosë ispiritonëni yaꞌcoancantërin. Naporoꞌ Naasë naporinso marëꞌ paꞌpi noꞌhuitërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 19:20

Ina natantaton, piyapinënpita inatohua aꞌpaantarin. Tapi macontacaiso marëꞌ aꞌparin. Canconahuatona niꞌpirinahuëꞌ, Samoiroso aꞌna huëntonaca pënëntonaꞌpiroꞌsa ichipënëntarin niꞌconpi. Aꞌnanaya Yosë ispiritonëni inahuanta yaꞌcoancantohuachina, caniaritopi pënëntacaisoꞌ.