1 Samuel 10:25 - Chayahuita (Shahui)

²⁵ Ina piquëran Samoirosoꞌ, onpopinsona copirno camaitacaso israiroꞌsa shaꞌhuitërin. Naporahuaton aꞌna soꞌnanpi quiricaquë ina ninshitërin. Nani ninshitahuaton Sinioro chinotacaso nëꞌmëtë pëiquë acorin. Ina piquëran yaꞌipi israiroꞌsa camairin yaꞌhuëpiꞌpaꞌ pacacaisoꞌ.

1 Samuel 10:25 ပူးပေါင်းရင်းမြစ်များ

Deuteronomio 31:26

“Pënëntërinsoꞌ quirica ninshitërahuëso macoꞌ. Masahuatomaꞌ, Siniororëꞌquënpoa anoyatërëhuaso caposonën pirayan acocoꞌ. Inaquë yaꞌhuëcaso marëꞌ acocoꞌ. Inaquë yaꞌhuëaton, co natëtohuatamahuëꞌ Sinioro anaꞌintiinquëmaso yaꞌhuërinso ayonquiarinquëmaꞌ.

1 Timoteo 2:2

Copirnoroꞌsa marëꞌ Yosë nontocoꞌ noya huaꞌanëntacaiso marëꞌ. Yaꞌipi huaꞌanoꞌsa marëꞌ Yosë nontocoꞌ noya nicacaiso marëꞌ. Noya huaꞌan nipachin, co aquëtëꞌ piyapiꞌsaꞌ ninoꞌhuiapihuëꞌ. Sano yonquiatëhuaꞌ, noya yaꞌhuarihuaꞌ. Ina quëran Yosë yonquiatëhuaꞌ, noya nisarihuaꞌ.

Tito 3:1

Imapisopita nani nitotopirinahuëꞌ, inachachin quëmarintaꞌ pënëantaquëꞌ. “Copirno natëcoꞌ,” itëquëꞌ. Yaꞌipi copirno acorinsopitantaꞌ natëcasoꞌ yaꞌhuërin. Noya nicacaisoꞌ yonquiꞌinaꞌ.

1 Samuel 11:14

Samoironta yaꞌipi israiroꞌsa itapon: —Huëco paꞌahua Quiricaroquë. Inaquë Saono caniaritarin huaꞌanëntiinpoasoꞌ, itërin.

1 Samuel 8:9

Inapoaton nipachin nohuantopiso chachin nitëquëꞌ. Napoaponahuëꞌ coꞌhuara acochátëraponhuëꞌ, shaꞌhuitëquë maꞌpitasona copirnori nitacasoꞌ,” itërin.