1 Samuel 10:19 - Chayahuita (Shahui)

¹⁹ Iporaso napoaponahuëꞌ, nocanatomaco aꞌporamaco. Caso Yosënëmaco niꞌton, parisitërama quëran nichaꞌëranquëmaꞌ. Copirno huaꞌanëntiinquëmasoꞌ natanatomaco, naporamaꞌ. Iporaso nipirinhuëꞌ, nohuantëramaso chachin nitaranquëmaꞌ. Napoaton iporasoꞌ, niꞌtonëhuëquë aꞌna huënton aꞌna huënton yaꞌcaritocoꞌ. Huëntoaꞌhuaroꞌsantaꞌ, inapochachin nicatona yaꞌcarichinaꞌ,” tënin Yosë, itërin Samoirori.

1 Samuel 10:19 ပူးပေါင်းရင်းမြစ်များ

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Números 11:20

Aꞌna yoquiraꞌ nanirinso chachin nosha caꞌsapi. Amirotaquë huarëꞌ caꞌsapi. Ca chachin inahua huáncana huëꞌsápirahuëꞌ, naꞌnëpi. Naꞌnëtonaꞌ: “¡Maꞌmarëcha Iquipito quëran pipirëhua paya!” topi. Napoatona nocaninaco niꞌton, napotarahuë, itërin Yosëri.

Josué 24:1

Siquimo ninanoquë Cosoi yaꞌipi Israiro huëntonoꞌsa ayontonin. Ansianoroꞌsaꞌ, huaꞌanoꞌsaꞌ, coisëroꞌsaꞌ, sontaro huaꞌanoꞌsaꞌ, inapita ayontonin. Sinioro chinotacaso marëꞌ nëꞌmëtë pëi ótënpisoꞌ notënanquë ayontonaton itapon: —Sinioro israiroꞌsanpoa chinotërëhuaso naporin: “Iráca shimashonëma Tari itopisoꞌ Iopiratisiiꞌ yonsanquë yaꞌhuërin. Huiꞌninpitasoꞌ: Apraan, Nacoro, inapita. Inaquë yaꞌhuëapona pochin inapitasoꞌ, nisha nisha mamanshiroꞌsa moshapi.

Jueces 8:23

Inariso napoaponahuëꞌ, itapon: —Co carima huaꞌanëntaranquëmahuëꞌ. Co huiꞌnahuëpita tëranta huaꞌanëntiinquëmaso yaꞌhuërinhuëꞌ. Sinioro chachin huaꞌanëntarinquëmasoꞌ.

1 Samuel 10:20

Napohuachina yaꞌipi huëntonoꞌsa aꞌna huënton aꞌna huënton yaꞌcaritopi. Naporoꞌ Samoirori nicanapiso pochin nitohuachina, Mincamin huënton canatërin.

1 Samuel 12:12

Napoaponahuëꞌ, amonoꞌsa copirno Naasë itopiso yaahuërinquëmasoꞌ, natantëramaꞌ. Ina natantatomaꞌ, copirno acotaꞌhuanquëmaso natanamaco. Sinioro chachin copirnonënpoaso nipirinhuëꞌ, naporamaꞌ. Inaso Yosënënpoa chinotërëhuasoꞌ.

1 Samuel 14:23

Naporoꞌ niahuëpisoꞌ, ahuëtërëꞌnaichin Piti-apinquë huarëꞌ nincanpi. Ina pochin naporo tahuëri Siniorori israiroꞌsa nichaꞌërin.

1 Samuel 14:38

Napoaton Saono yonquirin: “Inso tëranta ipora oshahuanin,” tënin. Inapo yonquiaton sontaro huaꞌanoꞌsa itapon: —Yaꞌipinquëma sontaro huaꞌanoꞌsanquëma yaꞌcaritocoꞌ. Insosona tëhuëaton oshahuaninsoꞌ natantocoꞌ.

1 Samuel 3:21

Inapoaton Siniorosoꞌ, naquëranchin Siroquë yaꞌnoantarin. Yaꞌnoantarahuaton, yonquirinsopita Samoiro anitotaantarin.

1 Samuel 4:1

Anitotohuachina, yaꞌipi israiroꞌsa shaꞌhuitacaiso marëꞌ comisionoꞌsa aꞌparin. Naporo tahuëriꞌsa huiristino sontaroꞌsasoꞌ, niyontonpi. Israiroꞌsa ahuëcaiso marëꞌ niyontonpi. Napoaton israiroꞌsantaꞌ, inapita chinitacaiso marëꞌ niyontonahuatonaꞌ, paapapi. Israiroꞌsasoꞌ, Ipini-sëri motopiaꞌhua itopiquë chinotopiso acopi. Ina notënanquë huiristinoꞌsantaꞌ, Apico motopiaꞌhua itopiquë chinotopiso acopi.

1 Samuel 8:19

Samoirori napotopirinhuëꞌ, inapitaso co ina natëpihuëꞌ. Napoatona itaantaponaꞌ: —Ina nipirinhuë tëranta copirno nohuantërai. Aꞌnapita nacionoꞌsa pochin quiyanta huaꞌanënchincoi. Inapotatoncoi ahuëtaꞌhuaiso nipachina, quëpaꞌincoi, itopi.