1 Samuel 10:1 - Chayahuita (Shahui)

¹ Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 10:1 ပူးပေါင်းရင်းမြစ်များ

2 Samuel 1:14

—Siniorori chachin copirno nicacaso marëꞌ huayoninso tëparan. ¡Ina tëpaton paꞌpi co noyahuëꞌ ninan! itaantarin Tapiri chiníquën nontaton.

2 Samuel 19:39

Yaꞌipiya quëran Cortaniiꞌ pëntontopi huachi. Copirnonta pëntonpachina, Parsirairi noya pacacaso marëꞌ apinorin. Napotahuaton yaꞌhuërinꞌpaꞌ panantarin.

2 Samuel 5:2

Saonoꞌton copirnonënpoa yaꞌconin. Napoaponahuëꞌ, naporo quëran huarëꞌ quëmari Israiro sontaroꞌsa camairan. Ahuëtacaiso marëꞌ quëpahuatana, quëmari chachin quëantaran. Naporahuaton Sinioro chachintaꞌ, nani shaꞌhuitërinquën copirnonëhuëi nicamaso marëꞌ. Ohuicaroꞌsa huaꞌanëni aꞌpairinso pochin nitancoiso marëꞌ nani acorinquën,” itopi.

1 Reyes 1:34

Inaquë Satoco, Natan, inapitari tomaquë opomototahuatonaꞌ, israiroꞌsa copirnonën nicacasoꞌ marëꞌ acoꞌinaꞌ. Nani acohuachinaꞌ, naní quëran chiníquën noinaꞌ: “¡Saromon copirno huaꞌqui tahuëri nanpiton, huaꞌanënchinpoaꞌ!” chinaꞌ.

Salmos 2:12

Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Hechos 13:21

Inasoꞌ noya pënëntopirinhuëꞌ: “Copirno nohuantërai huachi,” topachinara, Yosëri Saono acorin. Inasoꞌ Mincamin huënton quëmapi, Quisi huiꞌnin. Catapini shonca piꞌipi Saono huaꞌanëntopirinhuëꞌ,

1 Tesalonicenses 5:26

Imaramasopita capini noya ninosoroatomaꞌ, nisëꞌquëcoꞌ.

Hebreos 2:10

Yosëri yaꞌipiya ninin. Inasáchin yonquicaso marëꞌ nininpoaꞌ. Ina nohuanton, huiꞌnin parisitërin huëntonënquë ayaꞌcoinpoaso marëꞌ. Naꞌaquënpoaꞌ imarëhuaꞌ. Imapatëhuaꞌ, anoyacancantërinpoaꞌ. Huiꞌninpita pochin Yosë niꞌninpoaꞌ. Quisocristo parisitërin niꞌton nanitërin nichaꞌëinpoasoꞌ. Napoaton, “noya parisichin,” tënin Yosë. Nosoroatonpoaꞌ, naporin.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.

1 Samuel 12:3

Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.

1 Samuel 13:14

Iporaso nipirinhuëꞌ, co quëmari huaꞌanëntomiataponhuëꞌ. Sinioro yonisarin aꞌnara quëmapi noya niꞌninsoꞌ. Quëmasoꞌ camairinquënsoꞌ, co natëranhuëꞌ. Ina niꞌton, quëma yaꞌhuërënamën piyapinënpita huaꞌanëntacaso marëꞌ ina acoarin, itërin.

1 Samuel 15:1

Aꞌna tahuëri Samoirori Saono itapon: —Israiroꞌsasoꞌ Sinioro piyapinënpita. Ina aꞌparinco niꞌton, inapita huaꞌanëntamaso marëꞌ acoranquën. Iporasoꞌ maꞌsona ina nohuantërinsoꞌ shaꞌhuitaranquën natëcaso marëꞌ.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 2:10

Siniorosoꞌ yaꞌipi inimiconënpita ataꞌhuantarin. Noꞌhuiton inápa quëran huira aꞌpatiimapon. Yaꞌipi isoroꞌpaquë yaꞌhuëpisopita, Siniorori noꞌtëquën shaꞌhuitapon. Noꞌtëquën shaꞌhuitaton, yonsha paꞌpaarëso pochin nitapon. Copirno marëꞌ huayoninsoso nipirinhuëꞌ, chini chiníquën nanan quëtapon,” tënin Ana Yosë chinotaton.

1 Samuel 24:6

Ina quëran piyapinënpita sacaronquë itapon: —¡Siniorori Saono huayonin copirno nicacaso marëꞌ! Napoaton carisoꞌ, co ina tëpaꞌhuaso nanitërahuëꞌ, itërin.

1 Samuel 8:19

Samoirori napotopirinhuëꞌ, inapitaso co ina natëpihuëꞌ. Napoatona itaantaponaꞌ: —Ina nipirinhuë tëranta copirno nohuantërai. Aꞌnapita nacionoꞌsa pochin quiyanta huaꞌanënchincoi. Inapotatoncoi ahuëtaꞌhuaiso nipachina, quëpaꞌincoi, itopi.

1 Samuel 8:9

Inapoaton nipachin nohuantopiso chachin nitëquëꞌ. Napoaponahuëꞌ coꞌhuara acochátëraponhuëꞌ, shaꞌhuitëquë maꞌpitasona copirnori nitacasoꞌ,” itërin.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.

1 Samuel 9:27

Ninano aipiran yanohuaramahuachinara Samoirori Saono itapon: —Piyapinën camaiquë quëchitotaꞌin. Quëmaso nipirinhuëꞌ, piꞌpian ninaco. Maꞌsona Yosë tëninso shaꞌhuichinquën, itërin.