1 Samuel 1:6 - Chayahuita (Shahui)

⁶ Napoaton Pininarisoꞌ co yainhuëꞌ nontërin. Naporahuaton Sinioro nohuanton co huaꞌhuanaꞌpihuë niꞌton, nocanaton tëhuarin. Noꞌhuiantërinsoꞌ nichinapon chachin napotërin.

1 Samuel 1:6 ပူးပေါင်းရင်းမြစ်များ

Génesis 30:1

Naquira co nito huaꞌhuanatonhuëꞌ, cainpain noyaparin. Napoaton soꞌin itapon: —Huaꞌhuantoco cantaꞌ. Coꞌsoꞌ huaꞌhuantohuatancohuëꞌ, chiminarahuë, itërin.

2 Samuel 6:23

Naporinso marëꞌ Micarosoꞌ, co huaꞌhuanaꞌpihuëꞌ quëparitërin.

1 Samuel 1:7

Nani piꞌiquë Sinioro chinotacaso pëiquë paꞌpachinara, Anaso naꞌnëton co yacoshatërinhuëꞌ. Pininari noꞌhuirárin niꞌton, naporin.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.