1 Samuel 1:3 - Chayahuita (Shahui)

³ Nani piꞌiquë Iricanasoꞌ, Siro ninano itopiquë paꞌnin. Sinioro yaꞌipi nanitaparinsoꞌ chinotacaso marëꞌ paꞌnin. Inaquë nipachina maꞌsha tëparahuaton ina chinotërin. Inaquë Iri itopisoꞌ corto huaꞌan huiꞌninpita catoyaꞌpi sacatopi. Inapitasoꞌ Opini, Pinisë, inapita itopi. Inapitanta corto huaꞌanoꞌsa nicatona Sinioro marëꞌ sacatopi.

1 Samuel 1:3 ပူးပေါင်းရင်းမြစ်များ

Éxodo 34:23

Yaꞌipi Israiro huënton quëmapiꞌsaꞌ, nani piꞌiquë cararo pitanëhuëpita naꞌhuëcaiso marëꞌ yaꞌnoponaꞌ.

Lucas 2:41

Nani Pascoa tahuëri aꞌshin, paꞌpin, inapita Quirosarinquë pantapi.

1 Samuel 1:21

Ina piꞌi niantarinquë Iricanasoꞌ, Siroquë paantarin. Saꞌin, huiꞌninpita, inapitarë chachin paꞌsahuatonaꞌ, Sinioro shaꞌhuitërinsoꞌ quëpatërin. Naporahuaton nani piꞌiquë Sinioro marëꞌ maꞌsha tëpacasoꞌ nininsoꞌ quëpatërin.

1 Samuel 1:9

Aꞌna tahuëri Siroquë paantapi. Inaquë nicasoiꞌ, nani coshatohuachina Anaso huanirin. Huanirahuaton Yosë chinotacaso nëꞌmëtë pëiquë paꞌnin. Iri corto huaꞌan yaꞌcoanaquë huënsëasoꞌ, yaꞌcoontarin.

1 Samuel 14:3

Corto huaꞌan Aiasi itopisonta Saonorë nisarin. Inachintërin niꞌton, ipoto itopisoꞌ aꞌmorahuaton Yosë marëꞌ Siroquë sacatërin. Aiasisoꞌ, Aitopo huiꞌnin. Inanta Huinisi huiꞌnin. Huinisënta Iri huiꞌnin. Icapotintaꞌ, Aiasi apin. Conatan catahuarinsoarë ahuëtapona paꞌpisoꞌ, co aꞌnapita Israiro sontaroꞌsasoꞌ nitotopihuëꞌ.

1 Samuel 2:19

Nani piꞌiquë paꞌpin, aꞌshin, inapitaso Yosë chinotacaso nëꞌmëtë pëiquë paꞌpi. Sinioro marëꞌ maꞌsha tëpacasoꞌ nininsoꞌ quëparahuatonaꞌ, ina marëꞌ tëpapi. Naporahuaton, nani paꞌpiquë aꞌshini aꞌmocaso nitërinsoꞌ quëpatërin.

1 Samuel 2:34

Huiꞌnanpita Opini, Pinisë, inapita naporo tahuërirachin chiminaponaꞌ. Napotëranquënsoꞌ nanicaso marëꞌ napoaponaꞌ. Ina quëran aꞌna corto huaꞌan co quëmá quëran pipirinsohuëꞌ acoarahuë. Ina tëhuënchinsoꞌ natëarinco. Yaꞌipi camairahuësoꞌ, inaso nicapon. Ina acohuato, carinta noya aꞌpaiarahuë. Ina quëran pipipisopitanta inapotarahuë. Insosona copirno huayonpato, ina marëꞌ sacataponaꞌ.

1 Samuel 3:13

Ina quëran pipipisopita anaꞌintomiataꞌhuaso yaꞌhuërinsontaꞌ, nani shaꞌhuitërahuë. Huiꞌninpita paꞌpi co noyahuëꞌ nipiso marëꞌ napotarahuë. Nani ina nitotërin. Huiꞌninpita nocaninaco nipirinhuëꞌ, co inari pënëninhuëꞌ.

1 Samuel 4:11

Yosë caposonëonta osërëtopi. Iri huiꞌninpita Opini, Pinisë, inapitanta tëpapi.

1 Samuel 4:4

Ninapotatonaꞌ, sontaroꞌsa aꞌpapi. Inapitasoꞌ paꞌsahuatonaꞌ, Siniororë anoyatopiso caposonën macontapi. Siniorosoꞌ yaꞌipi nanitapaton, quiropinoꞌsa huáncana shiranënquë huënsaton huaꞌanëntërin. Iri huiꞌninpita: Opini, Pinisë, inapitanta paꞌpi. Inapitari Siniororë anoyatopisoꞌ caposonën aꞌpaipi niꞌton, inahuanta caꞌtantopi.