1 Samuel 1:26 - Chayahuita (Shahui)

²⁶ Naporoꞌ Anari itapon: —Iꞌhuata apiya. ¿Yonquiran ipora iráca isëquë huëcato sacaroënquë Yosë nontërahuëso to?

1 Samuel 1:26 ပူးပေါင်းရင်းမြစ်များ

2 Samuel 11:11

Copirnori napotohuachina, inariso itapon: —Yosë chinotërëhuaso caposonën, yaꞌipi Israiro sontaroꞌsaꞌ, Cota huënton sontaroꞌsaꞌ, inapitaso co pëianaquë yaꞌhuëapihuëꞌ. Topinan imënamëaꞌhuaroꞌsaquë yaꞌhuëapi. Huaꞌanëhuë Coapo itopisoꞌ, aꞌnapita huaꞌanoꞌsa acoransopita, inapitanta aipiran huëꞌësapi. Napoaton caso co nanitërahuëꞌ pëinëhuëquë yaꞌconato, yashi yashin chinotaꞌhuasoꞌ. ¿Coshatato, oꞌoto, saꞌahuëroꞌco nicato, capa cancanchi ti? ¡Co onporonta caso sinioro copirno inapochin nisarahuë! itërin.

2 Reyes 2:2

Naporoꞌ Iniasëri itapon: —Sinioro Pitiriꞌpaꞌ aꞌparinco. Quëmasoꞌ isëranchin quëparitëquë topirahuë, itërin. —¡Yoscoarëꞌ co quëparitarahuëꞌ! itërin Irisiori. Napotohuachina, cato chachin Pitiriꞌpaꞌ paꞌpi.

2 Reyes 2:4

Ina piquëran Iniasëri Irisio itaantapon: —Sinioro Quiricoquë aꞌpaantarinco. Quëmasoꞌ isëranchin quëparitëquë topirahuë, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

2 Reyes 2:6

Ina piquëran Iniasëri Irisio itaantapon: —Sinioro Cortaniiꞌpaꞌ aꞌpaantarinco. Quëmasoꞌ isëranchin quëparitëquë topirahuëꞌ, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

2 Reyes 4:30

Sanapiso napoaponahuëꞌ, Irisio itapon: —Yoscoarëꞌ sinioro, quëma paꞌpatan naporo huarëꞌ canta paꞌsarahuë, itërin. Napotohuachina, inanta paꞌnin.

1 Samuel 17:55

Coꞌhuara inapoyatëraponhuëꞌ, Saonoso sontaronënpita huaꞌan natanin. Inaso Apiniro itopi. Tapi Coriato ahuëapon paaso natanin: —Apiniro. ¿Maꞌninta pasoꞌ huiꞌnapi paꞌpin? itërin.

1 Samuel 20:3

Napotopirinhuëꞌ, Tapiriso chiníquën shaꞌhuitaantarin: —Nipayarësoꞌ tata nani nitotërin: “Tapi tëpahuato, Conatan co noyahuëꞌ cancantarin. Napoaton ama shaꞌhuichisohuëꞌ,” tosarin. Napoaponahuëꞌ, Yoscoarëꞌ co huaꞌquiya quëranhuëꞌ caso tata tëpaponco, itërin.