1 Samuel 1:20 - Chayahuita (Shahui)

²⁰ Ina nohuanton cayorin huachi. Tahuëri nanihuachina quëmapiaꞌhuaya huairin. Nininën nohuitaton Samoiro itërin. Sinioro natanaton huaꞌhuaninso marëꞌ ina pochin nohuitërin.

1 Samuel 1:20 ပူးပေါင်းရင်းမြစ်များ

Génesis 16:11

Ipora cayoransoꞌ, quëmapiaꞌhuaya huaiyaran. Huaihuatan, Ismairo itëquëꞌ. Co napion ancantaton naꞌnëransoꞌ, Sinioro nataninquën niꞌton, ina nininën acotëquëꞌ.

Génesis 30:22

Naquiraso co huaꞌhuanaꞌpihuë niꞌton, naꞌcon Yosë nontërin. Napohuachina, napoiyan quëran nosoroaton aꞌpanirin. Ina nohuanton huaꞌhuanin huachi.

Génesis 4:25

Oshaquëran Atan saꞌin, huaꞌhuaantahuachina, Sito itërin. “Cainori tëparinso yaꞌhuërënamën Yosë quëtaantarinco,” taꞌton, ina pochin nininën acotërin.

Génesis 5:29

Nasitohuachina, Noi itërin. “Siniorori piyapi co huachi noya yaꞌhuëcaso marëhuëꞌ shaꞌhuitaton, anaꞌintërin. Napoaton isoroꞌpaꞌ nitapirin. Paꞌpi chiníquën sacataquë huarëꞌ cosharo manëꞌ. Iso huaꞌhuashaso nipirinhuëꞌ, nanan anoyatatonpoa achinotarinpoaꞌ,” taꞌton, ina pochin nininën acotërin.

Éxodo 2:10

Nani chinotonaꞌhua nipachina, huaraon huiꞌninquë quëpatërin. Inari huaꞌhuin pochin nicaton aninihuanin: Moisësë, itërin. Iquipito nananquë: “Iꞌ quëran ocoirahuësoꞌ,” tapon naporin.

Éxodo 2:22

Sihuira huaꞌhuanpachina, Moisësëri aninihuanin: Cohuirison itërin. Cohuirisonsoꞌ: “Nishaco nipirahuëꞌ isëquë yacapatërahuë,” tapon naporin.

Mateo 1:21

Huaicasoꞌ nanihuachin, quëmapiaꞌhuaya nasitapon. Nasitohuachin, Quisoso itëquëꞌ. Piyapinënpita oshanënaꞌ inquitaton, nichaꞌësarin niꞌton, ina nininën acotëquëꞌ, itërin anquëniri. Itahuaton, panantarin huachi.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!