1 Samuel 1:19 - Chayahuita (Shahui)

¹⁹ Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 1:19 ပူးပေါင်းရင်းမြစ်များ

Génesis 21:1

Shaꞌhuitërinso chachin, Siniorori Sara catahuarin.

Génesis 30:22

Naquiraso co huaꞌhuanaꞌpihuë niꞌton, naꞌcon Yosë nontërin. Napohuachina, napoiyan quëran nosoroaton aꞌpanirin. Ina nohuanton huaꞌhuanin huachi.

Génesis 4:1

Atan saꞌin huaꞌhuanpachina, quëmapiaꞌhuaya huairin. “Yosë catahuarinco niꞌton, quëmapiaꞌhuaya huaꞌhuanahuë huachi,” taꞌton, nininën acotërin. Caino itërin.

Génesis 8:1

Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

2 Reyes 4:17

Sanapiriso co natëpirinhuëꞌ, shaꞌhuitërinso chachin cayorin. Cayorahuaton tahuërinën nanihuachina, quëmapiaꞌhua huairin.

Marcos 1:35

Tahuëririnquë coꞌhuara noya huënihuayantërasohuëꞌ, Quisoso huënsërahuaton ninano quëran pipirin. Co piyapi yaꞌhuërinquëhuëꞌ Yosë nontacaso marëꞌ inaoraíchin paꞌnin.

Lucas 23:42

Ina quëran Quisoso itapon: —Huaꞌanëntacasoꞌ caniaritohuatan, yonquico Sinioro cantaꞌ, itërin.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 1:11

“Sinioro quëmaso yaꞌipi nanitaparan. Piyapinënco niporahuëꞌ parisitërahuëso nicaton, aꞌnara quëmapiaꞌhua huaꞌhuanaꞌhuasoꞌ, quëtoco. Inapotëranco naporini, carinta ina huaꞌhuahuë quëma marëꞌ acoꞌitohuëꞌ. Ina anitotaꞌhuanquënso marëꞌ co onporonta yaꞌiapihuëꞌ,” itërin.

1 Samuel 15:34

Ina piquëran Samoirosoꞌ Naama ninanoquë paꞌnin. Inaquë yaꞌhuërin niꞌton, inaquë paꞌnin. Yaꞌhuërëꞌ Saononta yaꞌhuërinquë paꞌnin. Shaꞌhuitëranquëmaso chachin Saonosoꞌ Quipiaquë yaꞌhuërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 19:18

Inapoaton Tapi taꞌarin. Paꞌsahuaton Namaquë Samoiro nontoonin. Saonori napotërinsoꞌ yaꞌipi shaꞌhuitërin. Ina quëran Samoirorë chachin Nayoto ninano itopiquë paꞌpi yaꞌhuëaponaꞌ.

1 Samuel 2:11

Ina quëran Iricanasoꞌ, saꞌinpita, huiꞌninpita, inapitarë chachin Nama ninanoquë paantarin. Huaꞌhuashaso nipirinhuëꞌ, inaranchin quëparitërin. Iri corto huaꞌani maꞌsona camairinso nicaton, Sinioro marëꞌ sacatarin.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.

1 Samuel 8:4

Napoaton Israiro ansianoꞌsa niyontonpi. Naporahuatonaꞌ, Samoiro nontacaiso marëꞌ Namaquë paꞌpi. Quënanconahuatona itaponaꞌ: “Nani quëmasoꞌ mashotëran. Napoaton co huachi nanitaranhuëꞌ huaꞌqui huaꞌanëntancoisoꞌ. Huiꞌnanpita mini acopiranhuëꞌ, inahuaso co quëma pochin nipihuëꞌ. Napoaton aꞌnara copirno acotocoi camaiincoiso marëꞌ. Aꞌnapita nacionoꞌsa napopiso pochachin quiyanta yaninai,” itopi.

1 Samuel 9:26

Inaquë Saono huëꞌërin. Tahuëririnquë Samoirori nanpëontarahuaton itapon: —Huënsëaton yaꞌhuëranquë paantaquë huachi, itërin. Napotohuachina Saonosoꞌ huënsëintarin. Ina quëran Samoiro, Saono, ina piyapinën, inapitaso cachi paꞌtapi.