1 Samuel 1:11 - Chayahuita (Shahui)

¹¹ “Sinioro quëmaso yaꞌipi nanitaparan. Piyapinënco niporahuëꞌ parisitërahuëso nicaton, aꞌnara quëmapiaꞌhua huaꞌhuanaꞌhuasoꞌ, quëtoco. Inapotëranco naporini, carinta ina huaꞌhuahuë quëma marëꞌ acoꞌitohuëꞌ. Ina anitotaꞌhuanquënso marëꞌ co onporonta yaꞌiapihuëꞌ,” itërin.

1 Samuel 1:11 ပူးပေါင်းရင်းမြစ်များ

Génesis 28:20

Inaquë Cacopori Yosë shaꞌhuitaton itapon: “Quëma chachin ipora iratërahuëquë caꞌtanco. Quëma nohuanton cosharoꞌ, aꞌmocaꞌhuasoꞌ, inapitanta yaꞌhuëchinco. Naporahuaton quëma nohuanton tatahuë yaꞌhuërinquë, noya huënantaꞌi. Inapo catahuahuatanco: ‘Sinioroíchin Yosënëhuë,’ taꞌto, chinotaranquën.

Génesis 29:32

Niasoꞌ, cayorahuaton quëmapiaꞌhuaya huairin. Inasoꞌ, Nopino itërin. “Sinioro sëtërahuësoꞌ nicaton, catahuarinco. Huaꞌhuanahuë niꞌton, iporasoꞌ soꞌyahuë nosoroaponco huachi,” taꞌton, ina pochin huaꞌhuin nohuitërin.

Génesis 30:22

Naquiraso co huaꞌhuanaꞌpihuë niꞌton, naꞌcon Yosë nontërin. Napohuachina, napoiyan quëran nosoroaton aꞌpanirin. Ina nohuanton huaꞌhuanin huachi.

Génesis 8:1

Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

2 Samuel 16:12

Ipora parisitërahuësoꞌ Sinioronta niꞌsarin. Tapona ipora ina noꞌhuirincoso marëꞌ, Sinioro yacatahuápirincohuëꞌ, itërin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Números 21:2

Inapotohuachinara, israiroꞌsaso Sinioro nontatona itaponaꞌ: “Cananoꞌsa minsëaꞌhuaisoꞌ catahuahuatancoi, ninanonënapita ataꞌhuantomiatarai,” itopi.

Jueces 13:5

Huaꞌhuanso coꞌhuara nasichátëraponhuëꞌ, Siniorori huaꞌanëntapon. Inaso co onporonta ayaꞌitaranhuëꞌ. Napoaton nasario nisarin. Ina mini huiristinoꞌsa huaꞌanëntërima quëran, nichaꞌëinquëmasoꞌ caniaritapon. Napoaton inasoꞌ, ina pochin nisarin,” itërin.

1 Samuel 1:10

Inaquë nipachina naꞌnërin. Parisitërinso marëꞌ co napion cancantaton naꞌnërin. Naꞌnëton Sinioro nontërin.

1 Samuel 1:12

Ina pochin huaꞌqui Sinioro nontërin. Iri corto huaꞌansoꞌ, Ana nanamën niꞌsárin.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 1:22

Anaso napoaponahuëꞌ, co paꞌninhuëꞌ. Coꞌhuara soꞌin paꞌshátëraponhuëꞌ: —Co caso inatohua paꞌshatërapohuëꞌ. Huaꞌhuasha aꞌpota huarëꞌ paꞌsarahuë. Nani aꞌpotohuachin, Sinioronquën nicacaso marëꞌ quëpatarahuë. Acoonpato, inaso inaquë yaꞌhuëapon, itërin. Napotohuachina, soꞌini itapon: —Inta nipachin. Maꞌsona nicacaso yonquiransoꞌ, niquëꞌ. Ina aꞌpota huarëꞌ, isëranchin yaꞌhuëtaquëꞌ. Sinioro chachin catahuainquën ina shaꞌhuitëransoꞌ nicacaso marëꞌ, itërin. Soꞌini napotohuachina, inaso quëparitaton inaquëranchin huaꞌhuin asoꞌsorin. Soꞌsohuachina aꞌpotërin.

1 Samuel 1:27

Iso huaꞌhuasha marëꞌ naporahuë. Niꞌquëchi. Nani quëtërinco.

1 Samuel 1:28

Napoaton carintaꞌ, ina piyanën nicacaso marëꞌ acorahuë, itërin. Ina natanaton, Iriso isonin. Isonin quëran noꞌpaquë huarëꞌ monshorahuaton Sinioro chinotërin.

1 Samuel 2:20

Napohuachina, Iriri Iricana saꞌinë chachin noya yonquirapiton itapon: “Saꞌan nani aꞌnara huaꞌhuin Sinioro marëꞌ acorin. Ina yaꞌhuërënamën Sinioro chachin iso sanapiquë huiꞌnahuaantacaso catahuainquën,” itërin. Napotohuachina, Iricanaso saꞌinpita, huiꞌninpita, inapitarë chachin yaꞌhuërinꞌpaꞌ paantapi.