1 Samuel 1:1 - Chayahuita (Shahui)

¹ Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 1:1 ပူးပေါင်းရင်းမြစ်များ

1 Reyes 11:26

Huaꞌqui quëran aꞌna huaꞌani Saromon chinitërin. Inari chachin huaꞌan acopirinhuëꞌ, naporin. Inasoꞌ huaꞌan Napato huiꞌnin Quiropoamo itopi. Inasoꞌ, Sirita ninano itopiquë yaꞌhuërin. Iprain israiroꞌsa noꞌpanënquë yaꞌhuërin. Paꞌpinsoꞌ nani chiminin. Aꞌshinsoꞌ, Sirohuia itopi. Inaso quëyoron.

Mateo 27:57

Iꞌhuararapasoꞌ, aꞌna maꞌhuan Cosi itopiso huëꞌnin. Inasoꞌ, Arimatiaquë yaꞌhuërin. Quisoso imarin antaꞌ.

Josué 24:33

Ina piquëran Aaron huiꞌnin Iriasarontaꞌ, chiminin. Chiminpachina, quëmopinënpitari huiꞌnin Huinisë itopisoꞌ noꞌpanënquë paꞌpitopi. Inaquë aꞌnara motopiaꞌhuayaquë paꞌpitopi. Inasoꞌ noꞌpaꞌ Iprain huënton israiroꞌsa noꞌpaꞌ mapiquë yaꞌhuërin. Inaquë Cosoiri noꞌpaꞌ quëtërin niꞌton, inaquë paꞌpitopi.

Jueces 4:5

Inasoꞌ sanapi aꞌnara palmera tashinantërinquë yáhuënsërin. Huënsëyantërinquë niꞌton: “Tipora palmeranën,” itopi nohuitatonaꞌ. Iprain huënton israiroꞌsa noꞌpanën motopitontarinꞌpaꞌ yaꞌhuërin. Pitiri quëran Nama ninanoꞌpaꞌ ira paꞌninsoꞌ huáncana yaꞌhuërin. Israiroꞌsa nanan yaꞌhuëtohuachinara anoyatacaiso marëꞌ inaquë paapapi.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 17:12

Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.

1 Samuel 2:11

Ina quëran Iricanasoꞌ, saꞌinpita, huiꞌninpita, inapitarë chachin Nama ninanoquë paantarin. Huaꞌhuashaso nipirinhuëꞌ, inaranchin quëparitërin. Iri corto huaꞌani maꞌsona camairinso nicaton, Sinioro marëꞌ sacatarin.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.

1 Samuel 9:4

Napotohuachina, inapita yonípona paꞌpi. Paꞌsápatonaꞌ, Iprain huënton noꞌpanëna motopitontarinsopita pëntontopi. Sarisa parti itopisonta pëntontopi. Napoaponahuëꞌ, co quënanpihuëꞌ. Paantarahuatonaꞌ, Saarin itopiso partinta pëntoantapi. Mincamin huënton noꞌpanënantaꞌ, pëntontaantapi. Napoaponaraihuëꞌ, co quënanpihuëꞌ.

1 Samuel 9:5

Sopi parti canconpachinara Saonori piyapinën itapon: —Huëquë paꞌmantaꞌa. Naꞌcon naꞌcon huaꞌquiarëꞌ. Tatasoꞌ moraroꞌsa naniantaton, canpo marëꞌ iporaso co napion ancantamara, itërin.