1 Reyes 8:66 - Chayahuita (Shahui)

⁶⁶ Tahuëririnquë Saromonsoꞌ, israiroꞌsa nontahuaton, yaꞌhuëpiꞌpaꞌ aꞌparin. Inahuarinta copirno nontahuatonaꞌ, yaꞌhuëpiꞌpaꞌ paantapi. Siniorori Tapi catahuarinsoꞌ yonquipi: “Ma noyacha Siniorori piyapinën catahuarin paya. Canpoantaꞌ, naꞌcon catahuarinpoaꞌ,” topi. Ina yonquiatona capa cancantërëꞌnachin yaꞌhuëpiꞌpaꞌ paantapi.

1 Reyes 8:66 ပူးပေါင်းရင်းမြစ်များ

Génesis 47:7

Ina piquëran Cosisoꞌ, huaraon anohuitacaso marëꞌ paꞌpionta quëparin. Cantontahuaton Cacoposoꞌ, monsho tënin, nontacaso marëꞌ.

1 Reyes 8:1

Yosë chinotacaso pëiꞌ tënipiso piquëran, Saromonsoꞌ Quirosarinquë israiroꞌsa ayontonin. Ansianoꞌsa nipisopita aꞌnaya aꞌnaya huëntonënaquë, huaꞌan yaꞌconpisopita, aꞌnapitanta huaꞌanoꞌsa pochin chiníquën nanantopisopita, inapita ayontonin. Siniororëꞌ anoyatopiso caposonën paꞌpincori acorin quëran, Yosë chinotacaso pëiquë quëpacaiso marëꞌ naporin.

1 Reyes 8:47

Tapona quëpapisoꞌ noꞌpaquë, chinotatënën: ‘Tëhuënchachin co noyahuëꞌ ninai. Ina nipirinhuëꞌ, oshanëhuëi inquitatoncoi catahuacoi,’ itapënën.

1 Reyes 8:65

Naporoꞌ Saromonso israiroꞌsapitarëꞌ, huaꞌhuayátërahuë niyontonpi. Amato ninano quëran huarëꞌ oꞌmapi. Inaso ninanoꞌ, pëtëtë parti yaꞌhuërin. Iquipito iꞌsha itopi quëraontaꞌ, huëntapi. Inasoꞌ iꞌsha pëꞌnatë parti yaꞌhuërin. Iquipitoroꞌsa noꞌpaꞌ mapisoꞌ nanirinquë yaꞌhuërin. Imënamëaꞌhuaroꞌsa pita itopiquë napopi. Sinioro chinotatona capa cancantacaiso marëꞌ napopi. Ina pita naꞌhuëhuachinara, Yosë pëinën Sinioro marëꞌ acoatonaꞌ, canchisë tahuëri chachin pita niantapi. Yaꞌipiya quëran shonca catapini tahuëri pita naꞌhuëpi.

1 Reyes 9:1

Saromon Yosë chinotacaso pëiꞌ, inaora huaꞌanëntacaso pëiꞌ, inapita tënirin. Naporahuaton maꞌpitaso nicacasoꞌ yonquirinsopitantaꞌ, tënirin. Inapita tënihuachina, naquëranchin Siniorori yaꞌnotaantarin. Capaonquë yaꞌnotërinso pochachin nitaton, itapon: “Pëi anitatonco nontërancoso marëꞌ nani natananquën. Napoaton inaquë nontiinacoso marëꞌ acorahuë. Ina yonquiato cari aꞌpairápo.

Nehemías 8:10

Ina quëran Istrasëri itapon: “Paatoma noya coshatocoꞌ. Huino shaꞌmoronta oꞌocoꞌ. Naporahuaton aꞌnaquën co manta yaꞌhuëtohuachinahuëꞌ, përaco caꞌpainëmaꞌ, oꞌopainëmaꞌ. Sinioro marëꞌ tahuëri acorëhua niꞌton, inapocoꞌ. Ama sëtatomarahuëꞌ Sinioro yonquiatoma noya cancantocoꞌ. Inasoꞌ, noya aꞌpaiarinpoaꞌ,” itërin.

Nehemías 9:25

Naꞌa pairahuan ninanoroꞌsa yaꞌhuëpirinhuëꞌ. Noꞌpanënanta noya noya nipirinhuëꞌ. Pëiroꞌsaquënta notohuaroꞌ maꞌsha amëntatopi. Iꞌsha tapainanoꞌsaꞌ, oparoroꞌsaꞌ, oripororoꞌsaꞌ, nisha nisha cashinoꞌsaꞌ, inapita yaꞌhuëpirinhuëꞌ, yaꞌipi mapi. Inapoatona noya coshatopi, oꞌopi, napopi. Inapoatona amonpitërapi. Nosororan niꞌton, capa cancantopi.

Salmos 122:6

Quirosarinquë sano yaꞌhuëcaiso marëꞌ Yosë nontocoꞌ. Quirosarin paꞌyatërëhuasopitasoꞌ, noya yaꞌhuëaꞌahuaꞌ.

Salmos 122:9

Sinioro chinotërëhuaso pëiꞌ, inaquë yaꞌhuërin. Napoaton inaquë noya yaꞌhuëcaisoꞌ, naꞌcon nohuantarahuë.

Isaías 63:7

Onpopinsona Sinioro nosorotërinso yonquiato, shaꞌhuiarahuë. Maꞌpitaquësona catahuarinpoaso yonquiato, cantarahuë. Israiro huënton nosoromiatërinso marëꞌ napoarahuë. Paꞌpi nosoroaton catahuarinso marëꞌ inapoarahuë.

Zacarías 9:17

Naporo quëran huarëꞌ, piyapinënpita noya noya yaꞌhuëaponaꞌ. Notohuaroꞌ cosharoꞌ, huino, inapita yaꞌhuëapon. Napoatona huiꞌnapiꞌsanënpoaꞌ, nanoꞌsanënpoaꞌ, inapitantaꞌ, noya noya soꞌsoponaꞌ.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Deuteronomio 12:12

Naporo tahuëriꞌsaꞌ, Sinioro marëꞌ pita nisaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Inapitasoꞌ co canpita pochin noꞌpaꞌ mapihuëꞌ niꞌton, ichicapacancancoꞌ.

Deuteronomio 12:18

Insëquësona Siniorori huayonin niꞌton, ina chinotacaso nëꞌmëtë pëi acoramaꞌ. Inaquësáchin inasoꞌ, quëpatoma caꞌsaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Sacatëramaquë, pëꞌtahuatëramaquë, inaquëpita Yosë catahuarinquëmaso yonquiatomaꞌ, capa cancantaramaꞌ.

Deuteronomio 12:7

Inaquë Sinioro yonquiatomaꞌ: Saꞌamaꞌ, huiꞌnamaꞌ, quëmopiroꞌsaꞌ, inapita coshataramaꞌ. Sacatëramaquë, pëꞌtahuatëramaquë, inaquëpita Yosë catahuamiatërinquëmaꞌ. Ina yonquiatoma capa cancantaramaꞌ.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.