1 Reyes 8:61 - Chayahuita (Shahui)

⁶¹ Napoaton canpitanta Sinioro noꞌtëquën imacoꞌ. Ina Yosënënpoa chinotërëhuasoꞌ. Pënëntërinsopita, camaitërinsopita, inapita ipora tahuëri natërëhuaso pochachin nisácoꞌ,” itërin.

1 Reyes 8:61 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

1 Reyes 3:3

Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Copo naporinso' 1:8

—¿Piyapinëhuë Copo itopiso niꞌchinan to? Co insonta paso roꞌpaquë ina pochin yaꞌhuërinhuëꞌ. Inaso noꞌtëquën natëtonco, noyasáchin ninin. Napoaton co maꞌmarë tërantaꞌ, pënënacaso yaꞌhuërinhuëꞌ. Naporahuaton co inso tërantaꞌ, maꞌsha onpotërinhuëꞌ, itaantarin Yosëri.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.