1 Reyes 8:59 - Chayahuita (Shahui)

⁵⁹ Ipora tahuëri Sinioro nontërahuësoꞌ, tahuëri tashirë chachin yonquiraꞌin. Noꞌtëquënáchin catahuainpoaso marëꞌ napoꞌin. Canpoaso ina piyapinënpita ninëhua niꞌton, nani tahuëri pahuantërinpoasopita acochinpoaꞌ.

1 Reyes 8:59 ပူးပေါင်းရင်းမြစ်များ

1 Reyes 8:60

Inapotohuachinpoaꞌ, Sinioronënpoasáchin Yosë nininsoꞌ, yaꞌipi isoroꞌpaquë nitotapi. Nisha nisha piyapiroꞌsa yaꞌhuëpiso nohuitapi.

Lucas 11:3

Nani tahuëri catahuacoi cosharoꞌ yaꞌhuëchincoi.

Juan 17:9

Imarinacosopita marëꞌ chiníquën nontaranquën. Huiꞌnanpita pochin niꞌnan. Iráca quëran huarëꞌ yonquiran imainacosoꞌ. Aꞌnapitasoꞌ co imarinacohuëꞌ. Co inapita marëꞌ nontaranquënhuëꞌ.

Deuteronomio 33:25

Ama inimicoroꞌsari yaꞌcontacaso marëhuëꞌ, ninanonëna yaꞌcoanaroꞌsantaꞌ, noyá acoꞌinaꞌ. Chiníquën niꞌtona yaꞌhuëmiatacaiso marëꞌ nóya acoinaꞌ. Huaꞌnamia quëran, shaꞌpi huaꞌna quëran, ina quëranpita nipiso acoinaꞌ.

1 Juan 2:2

Yaꞌhuërënamënpoaꞌ chiminin niꞌton, nontohuatëhuaꞌ, oshanënpoaꞌ inquitarinpoaꞌ. Oshanënpoaꞌ inquitatonpoaꞌ, nanan anoyatërinpoaꞌ. Yaꞌipi piyapi marëꞌ chiminin. Yaꞌipinpoaꞌ oshanënpoaꞌ inquitinpoasoꞌ nohuantopirinhuëꞌ.