1 Reyes 8:56 - Chayahuita (Shahui)

⁵⁶ “¡Ma noyacha Sinioroso paya! Shaꞌhuitërinpoaso chachin israiroꞌsanpoa noya yaꞌhuërëhuaꞌ. Moisësë quëran anitotërinpoaso chachin, noya catahuarinpoaꞌ.

1 Reyes 8:56 ပူးပေါင်းရင်းမြစ်များ

Lucas 21:33

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipiya shaꞌhuitëranquëmaso chachin naniarin.

Deuteronomio 12:10

Cortaniiꞌ pëntontohuatamaꞌ, Sinioro noꞌpaꞌ quëtarinquëmaquë yaꞌhuëmiataramaꞌ. Yaꞌipi inimicoroꞌsa minsërahuatomaꞌ, sano cancantarama huachi. Naporoꞌ insëquësona Siniorori huayonin niꞌton, ina chinotacaso nëꞌmëtë pëi acoaramaꞌ. Inaquë ipora camairanquëmasopita Sinioro quëshiaramaꞌ. Ina noya nicatoma maꞌsharoꞌsa tëpapomaꞌ. Aꞌnaquën noyá ahuiquitapomaꞌ. Aꞌnaquënsoꞌ, piꞌpian ahuiquitapomaꞌ. Nani maꞌsha quëran diesmoroꞌsantaꞌ, inaquë quëpatapomaꞌ. Catahuatamaso marënta camaitopisoꞌ, quëpapomaꞌ. Maꞌsona Sinioro quëtacasoꞌ shaꞌhuitohuatamaꞌ inanta quëpatapomaꞌ.

Deuteronomio 12:12

Naporo tahuëriꞌsaꞌ, Sinioro marëꞌ pita nisaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Inapitasoꞌ co canpita pochin noꞌpaꞌ mapihuëꞌ niꞌton, ichicapacancancoꞌ.

1 Samuel 3:19

Naporarin quëran Samoiro aꞌshinin. Siniorori noya catahuarin. Yaꞌipi shaꞌhuitërinso chachin catahuarin.