1 Reyes 8:53 - Chayahuita (Shahui)

⁵³ Nisha nisha piyapiroꞌsaꞌ, nisha nisha nacionquë yaꞌhuëpi. Yaꞌhuëpirinahuëꞌ, quëmaso huayonancoi. Piyapinën Moisësë itopisoꞌ, quëma nohuanton shimashonëhuëipita Iquipito quëran ocoirin. Naporoꞌ ina quëran anitotërancoi huaꞌanëntërancoisoꞌ,” itërin.

1 Reyes 8:53 ပူးပေါင်းရင်းမြစ်များ

Éxodo 33:16

Quëma chachin caꞌtanpatancoi, yaꞌipi iso parti yaꞌhuëpisopita, nohuitarinacoi. Piyapinënpitacoi nicatoi nishatëraisonta nitotapi. Inapotohuatancoi, naporo huarëꞌ co aꞌnapita nacionoꞌsa pochin nisaraihuëꞌ, itërin.

Números 23:9

Inápa natëtëroꞌsa quëran notërahuë. Motopiaꞌhuaroꞌsa quëraonta nocorahuë. Co aꞌnapita piyapiroꞌsa pochinhuëꞌ inahuaso nicatonaꞌ, Yosë marëꞌ nanpicaisoꞌ nohuantopi.

Efesios 1:18

Yaꞌipi nanamën Sinioro noyá anitotëquëꞌ. Quëma huëntonënquë chachin ayaꞌconancoi noya cancantaꞌhuaiso marëꞌ. Catahuaquëꞌ ina yonquiatonaꞌ, noya cancanchinaꞌ. Aꞌna tahuëri yaꞌhuëranquë chachin noya noya yaꞌhuëcontarai. Ina naꞌcon yonquiꞌinaꞌ.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.