1 Reyes 8:40 - Chayahuita (Shahui)

⁴⁰ Inapotohuatan, shimashonëna noꞌpaꞌ quëtëranquë yaꞌhuëaponaꞌ. Inaquë yaꞌhuëapona pochin noya nicatënën chinotáponën.

1 Reyes 8:40 ပူးပေါင်းရင်းမြစ်များ

Génesis 22:12

Sinioro anquëninënisoꞌ, itapon: —Ama huiꞌnan tëpaquësohuëꞌ. Tëniponquën napotopiranquënhuëꞌ, iporasoꞌ nani nitotërahuë. Yaꞌipi cancanën quëran huarëꞌ imaranco tënahuë. Huiꞌnan aꞌnaíchin nipirinhuëꞌ, co apiratërancohuë niꞌton, nitotërahuë, itërin.

1 Reyes 8:39

Quëmasáchin aꞌnaya aꞌnayacoi yonquiraisoꞌ, nitotëran. Ina nitotaton aꞌnaya aꞌnayacoi noꞌtëquën aꞌpanicoi. Oshahuanpiso marëꞌ aparisitëran niꞌton, nirótëatona nontohuachinën, ina inquitaton nanan anoyatëquëꞌ.

1 Reyes 8:41

Nisha piyapiroꞌsanta niponaraihuëꞌ, noya nicaton nahuinanso natantapi. Chiníquën nanantëransontaꞌ, natantapi. Ina natantatonaꞌ, áquë yaꞌhuëaponaraihuëꞌ huëcapayarinën. Huëꞌpachinaꞌ, pëinën parti notëtahuatona nontaponën. Inapotohuachinën, yaꞌhuëran quëran natanahuaton, nataninënquënso chachin acotëquëꞌ. Yaꞌipi isoroꞌpaquë nisha nisha piyapiroꞌsa yaꞌhuëpi. Inapitantaꞌ, nohuitiinënquënso marëꞌ aꞌpaniquëꞌ. Nohuitohuachinën noya nicatënën quiya pochachin chinotarinën huachi. Inapoatonaꞌ: ‘Tëhuënchachin Saromon Yosë chinotacaso pëi anitërinquë, Sinioro yaꞌhuërin. Napoaton inaquë ina nontohuatëra, nataninpoaꞌ,’ taponaꞌ.

Salmos 115:13

Ina noya nicatona natëpisopitantaꞌ, catahuararin. Huaꞌanoꞌsaꞌ, topinan piyapiꞌsaꞌ, inapitanta imapachinaꞌ, catahuararin.

Salmos 130:4

Nipirinhuëꞌ oshanëhuëi inquitërancoi niꞌton, noya nicatëinquën chinotarainquën.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Deuteronomio 12:1

Naquëranchin Moisësëri israiroꞌsa nontaantarin: “Isontaꞌ, Yosë pënëntërin. Inasoꞌ, shimashonënpoapitarinta chinotopi. Ina camaitërin niꞌton, chiminaquë huarëꞌ natëcoꞌ. Inachachin noꞌpaꞌ quëtarinpoaꞌ. Inaquë yaꞌhuëhuatamaꞌ, yaꞌipi natëcoꞌ.

Deuteronomio 6:13

Sinioroíchin chinotocoꞌ. Inasáchin natëcaso yaꞌhuërin. Inasoꞌ huaꞌanëntërinpoaꞌ. Maꞌmarësona tëranta natëtacaiso marëꞌ shaꞌhuihuatamaꞌ, Yoscoarëꞌ taꞌtoma shaꞌhuicoꞌ.

Deuteronomio 6:2

Ina pochin mini Sinioro noya nicatë natëcaso yaꞌhuërin. Pënëntërinsopita, camaitërinsopita, inapita chiminaquë huarëꞌ natëcoꞌ. Naporahuaton huiꞌnamapita, shiparimapita, inapitanta natëchinaꞌ. Inapohuatamaꞌ, huaꞌqui tahuëri niꞌsaramaꞌ.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

Josué 4:24

Ina pochin shaꞌhuihuatamaꞌ, yaꞌipi isoroꞌpaquë nisha nisha piyapi nipisopita Sinioro chini chiníquën nanantërinso nitotaponaꞌ. Naporahuaton canpitantaꞌ, ‘Sinioroso Yosënënpoa niꞌton, noya nicatëhua natërápaso yaꞌhuëchinpoaꞌ,’ tosaramaꞌ,” itërin Cosoiri.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.

Apocalipsis 19:5

Ina quëran Yosë shiranën quëran noninsoꞌ natanahuë. “Yaꞌipi Yosë imaramasopita ina chinotocoꞌ. Huaꞌanoꞌsanquëmahuë nipon, piyapinënpitanquëmahuë nipon, inasáchin yonquicoꞌ. Ina nóya nicatomaꞌ natëramaꞌ niꞌton, ‘Ma noyanquëncha, Sinioro, quëmaso paya,’ itocoꞌ,” tënin.

1 Samuel 12:24

Yosëso tëhuënchachin nosoroatonpoa naꞌcon catahuarinpoaꞌ. Ina yonquiatoma canpitasoꞌ, inaíchin noya nicatoma natëcamaso yaꞌhuërin. Yaꞌipi cancanëma quëran noꞌtëquën ina chinotamaso yaꞌhuërin.