1 Reyes 8:39 - Chayahuita (Shahui)

³⁹ Quëmasáchin aꞌnaya aꞌnayacoi yonquiraisoꞌ, nitotëran. Ina nitotaton aꞌnaya aꞌnayacoi noꞌtëquën aꞌpanicoi. Oshahuanpiso marëꞌ aparisitëran niꞌton, nirótëatona nontohuachinën, ina inquitaton nanan anoyatëquëꞌ.

1 Reyes 8:39 ပူးပေါင်းရင်းမြစ်များ

1 Reyes 8:32

Naporinso natanahuaton, noꞌtëquën nonsahuachin paꞌpoyaquëꞌ. Insosona tëhuëhuachin, noꞌtëquën anaꞌintëquëꞌ.

1 Reyes 8:38

Ina marëꞌ aꞌnaya aꞌnayahuë nipon, yaꞌipi israiroꞌsahuë nipon: ‘Oshahuanëhua niꞌton, Yosë anaꞌintarinpoaꞌ,’ taponaꞌ. Inapohuachinaꞌ pëinën parti anquirahuatonaꞌ, nontapënën. Oshanën inquitacaso marëꞌ nontohuachinën, quëmari inquitëquëꞌ.

1 Reyes 8:40

Inapotohuatan, shimashonëna noꞌpaꞌ quëtëranquë yaꞌhuëaponaꞌ. Inaquë yaꞌhuëapona pochin noya nicatënën chinotáponën.

Salmos 130:4

Nipirinhuëꞌ oshanëhuëi inquitërancoi niꞌton, noya nicatëinquën chinotarainquën.

Salmos 139:1

Sinioro, quëmasoꞌ nohuitatonco yonquirahuësonta nitotëran.

Salmos 33:14

Yaꞌhuërin quëran huarëꞌ inasoꞌ, isoroꞌpaquë yaꞌhuëpisopita noya niꞌsárin.

Ezequiel 18:30

Carimasoꞌ, aꞌnaya aꞌnayanquëma noꞌtëquën yonquirapiranquëmaꞌ. Noya nipatamaꞌ, noya niꞌsaranquëmaꞌ. Co noyahuëꞌ nipatamasoꞌ, anaꞌintaranquëmaꞌ. Ca Sinioroco shaꞌhuitaranquëmaꞌ. Yaꞌipi co noyahuëꞌ ninamasopita aꞌpochinaco huachi. Ama canpitaora tëhuënëmaquë taꞌhuantamaso marëhuëꞌ inapocoꞌ.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Hechos 1:24

Ina quëran Yosë nontopi. “Quëmasáchin Sinioro, yaꞌipi cancanëhuëi quëran yonquiraisoꞌ nitotëran. ¿Insotaꞌ nohuantëran acoaꞌhuaisoꞌ,

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.

Apocalipsis 22:12

Ina quëran Quisoso chachin itërinco: “Tëhuënchachin co huaꞌquiya quëranhuëꞌ oꞌmantararahuë. Oꞌmantahuato, yaꞌipiya noꞌtëquën iꞌhuërëtarahuë. Co noyahuëꞌ nipisopita anaꞌintarahuë. Noya nipisopitasoꞌ acanaarahuë.

1 Samuel 16:7

Inariso napoaponahuëꞌ, itapon: “Noyapintërinsoꞌ, naporopitërinsoꞌ, ama inasáchin nicaton noya niꞌquësohuëꞌ. Carisoꞌ, co ina nohuantërahuëꞌ. Piyapinquëmasoꞌ, aipi yaꞌnorinsoráchin nicatoma noya niꞌnamaꞌ. Caso nipirinhuëꞌ, acopo cancanën quëran yonquirinso nitotërahuë. Insosona noya yonquihuachina, noya niꞌnahuë,” itërin. Napotërin niꞌton, Samoiroso co Iriapo huayoninsohuëꞌ, nitotërin.

1 Samuel 2:3

Ama inso tëranta nocanchinsohuëꞌ. Ama aquëtëꞌ: ‘Ca tëhuënchinsoꞌ,’ chinasohuëꞌ. Siniorosoꞌ Yosë niꞌton, yaꞌipi naporëhuaso nitotërin. Pëꞌtënatë quiro nitotërëso pochin, naporëhuaso nitotaton, noꞌtëquën shaꞌhuitarinpoaꞌ.