Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Reyes 8:38 - Chayahuita (Shahui)

38 Ina marëꞌ aꞌnaya aꞌnayahuë nipon, yaꞌipi israiroꞌsahuë nipon: ‘Oshahuanëhua niꞌton, Yosë anaꞌintarinpoaꞌ,’ taponaꞌ. Inapohuachinaꞌ pëinën parti anquirahuatonaꞌ, nontapënën. Oshanën inquitacaso marëꞌ nontohuachinën, quëmari inquitëquëꞌ.

အခန်းကိုကြည့်ပါ။ ကော်ပီ




1 Reyes 8:38
25 ပူးပေါင်းရင်းမြစ်များ  

Ina quëran Saromonsoꞌ, artaro notënanquë paꞌnin. Inaquë Sinioro marëꞌ maꞌsharoꞌsa ahuiquitopisoꞌ. Niyontonpisopitanta pinën parti quëran huanirantapi. Naporoꞌ anquirahuaton Yosë nontërin: “Quëmasoꞌ Sinioronquën. Yaꞌipi israiroꞌsacoi chinotërainquën. Co aꞌna Yosë tëranta isoroꞌpaquë quëma pochin yaꞌhuërinhuëꞌ. Piꞌiroꞌtëquënta co yaꞌhuërinhuëꞌ. Inëꞌquën tëranta anoyatohuatan, shaꞌhuitëranso chachin ninan. Inso tëranta yaꞌipi cancanën quëran natëhuachinquën nosoromiatëran.


Piyapinënpita co natëtënënhuëꞌ oshahuaantahuachinaꞌ, quëmari anaꞌintaran. Quëma nohuanton shaꞌtopisopita co manta nitaponahuëꞌ. Piꞌi quëranhuë nipon, taquiapon. Sëquërërihuë nipon, chaꞌchorihuë nipon, pëꞌyapon. Pëtoratërin quëranhuë nipon, chanatapon. Aꞌna tahuëriso inimiconënpitarihuë nipon, ninanonëna tancapitahuatona ahuëaponaꞌ. Chiníquën caniohuë nipon yaꞌconaton, tiquiapon. Inapoatona parisitaponaꞌ.


Quëmasáchin aꞌnaya aꞌnayacoi yonquiraisoꞌ, nitotëran. Ina nitotaton aꞌnaya aꞌnayacoi noꞌtëquën aꞌpanicoi. Oshahuanpiso marëꞌ aparisitëran niꞌton, nirótëatona nontohuachinën, ina inquitaton nanan anoyatëquëꞌ.


Parisitapirahuëꞌ, ¡ama huachi sëchisohuëꞌ! ¡Ama huachi napoin ancanchisohuëꞌ! Sinioro catahuaantaponco. Ina nohuanton noya chinotaantapo. Inasáchin Yosënëhuë niꞌton, nichaꞌësarinco.


Ina pochin cancantato Yosë nontërahuë: “Cortaniiꞌ huiꞌnirai parti Irmon motopi yaꞌhuërin. Nisaro motopinta yaꞌhuërin. Ina parti yaꞌhuëato, pënsha yatacopirinso pochin cancantërahuë. Napoaton Sinioro naꞌcon yonquiaranquën.


Quëmasoꞌ Sinioro yápaꞌpoyaranco. ¿Onpoatonta iporasoꞌ naniantëranco? Inimiconëhuëpita aparisitërinaco niꞌton, sëtárahuë.


Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.


Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.


Sinioro marëꞌ sacatopisoꞌ corto huaꞌanoꞌsantaꞌ, naꞌnëinaꞌ. Yosë pëinën ishpanamën notënanquë artaro yaꞌhuërinsoꞌ, co aquëyahuëꞌ. Ina huáncana huanirahuatonaꞌ, piyapiꞌsa marëꞌ Sinioro nonchinaꞌ: “Piyapinënpita Sinioro tëhuëtatënën oshahuanpisoꞌ, inquitëquëꞌ. Piyapinënpitacoi nipiraihuëꞌ co catahuahuatancoihuëꞌ, aꞌnapitaso tëhuaponacoi. Ama aꞌnapita nacionoꞌsa canarahuatonacoi, huaꞌanënchinacoisohuëꞌ. Inapitaso co chinotopirinënhuëꞌ, canarahuatonacoi: ‘¿Inata nipachin israiroꞌsa Yosënënari catahuarinhuëꞌ?’ tosapi,” ichinaꞌ.


¡Maꞌhuantacha casoꞌ ninahuë paya! ¿Incha ipora nichaꞌëinco co noyahuëꞌ yonquirahuësoꞌ naniantaꞌhuaso marëꞌ? tënahuë.


Maꞌsha onpohuatamaꞌ, ama paꞌyancosohuëꞌ. Ama nisha nisha yonquicosohuëꞌ. Yosë nontocoꞌ catahuainquëmaꞌ. Maꞌsha pahuantohuachinquëmaꞌ, nitocoꞌ. “Ma noya catahuarancoi niꞌton, ‘Yosparinquën, Sinioro,’ ” itocoꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ