1 Reyes 8:32 - Chayahuita (Shahui)

³² Naporinso natanahuaton, noꞌtëquën nonsahuachin paꞌpoyaquëꞌ. Insosona tëhuëhuachin, noꞌtëquën anaꞌintëquëꞌ.

1 Reyes 8:32 ပူးပေါင်းရင်းမြစ်များ

2 Samuel 22:21

Noya ninahuëso marëꞌ noya catahuaranco. Co maquë tëranta naꞌinpiro ninahuëꞌ niꞌton, nóya acanaranco.

Éxodo 34:7

Piyapinëhuëpita nosoroato, huaranca shinpita huënton yaꞌhuëaquë huarëntaꞌ, co nisha cancantarahuëꞌ. Co noyahuëꞌ nipirinahuëꞌ, oshanën inquitato nanan anoyatërahuë. Co natëtochináchinhuëꞌ cancantatona oshahuanpachinarantaꞌ, inapotërahuë. Napoaponahuëꞌ, insosona tëhuëhuachin, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shinpita huiꞌninaquë huarënta anaꞌintarahuë, tënin.

Proverbios 1:31

Napoaton ina naꞌintarinquëma parisitamaso yaꞌhuërin. Amiquë huarëꞌ caꞌnëso pochin parisitaramaꞌ. ‘Caora nohuantato napoarahuë,’ tënamaso marëꞌ napoaramaꞌ.

Isaías 45:25

Israiroꞌsasoꞌ cari catahuarahuë niꞌton, noꞌtëquën yonquiaponaꞌ: ‘¡Ma noyacha Sinioro imatëhua naporëhua paya!’ tëcaponaꞌ,” tënin.

Ezequiel 18:13

Coriqui aꞌnanpachinarantaꞌ, naꞌcon naꞌcon ananpërin. Ina pochin nipachinaꞌ, co nanpicaso yaꞌhuërinhuëꞌ. Yaꞌipi inapita co costapirahuëꞌ, naporinso marëꞌ onpopionta chiminapon. Inaora tëhuënënquë napoapon.

Ezequiel 18:20

Insosona oshahuaninsoꞌ, inaora chachin chiminacaso yaꞌhuërin. Co paꞌpin oshanën marëꞌ huiꞌnin anaꞌintacaso yaꞌhuërinhuëꞌ. Inapochachin huiꞌnin oshanën marëntaꞌ, co paꞌpin anaꞌintacaso yaꞌhuërinhuëꞌ. Noya nipisopitasoꞌ, noya nipiso marëꞌ noꞌtëquën acanapo. Co noyahuëꞌ ninaꞌpintaꞌ, co noyahuëꞌ nininso marëꞌ noꞌtëquën anaꞌintaꞌhuaso yaꞌhuërin,” itërinco.

Ezequiel 18:30

Carimasoꞌ, aꞌnaya aꞌnayanquëma noꞌtëquën yonquirapiranquëmaꞌ. Noya nipatamaꞌ, noya niꞌsaranquëmaꞌ. Co noyahuëꞌ nipatamasoꞌ, anaꞌintaranquëmaꞌ. Ca Sinioroco shaꞌhuitaranquëmaꞌ. Yaꞌipi co noyahuëꞌ ninamasopita aꞌpochinaco huachi. Ama canpitaora tëhuënëmaquë taꞌhuantamaso marëhuëꞌ inapocoꞌ.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

Deuteronomio 25:1

Aꞌnaquëma nanan yaꞌhuëtohuachinquëmaꞌ, coisëroꞌsa sacatërinquë pacoꞌ. Inapita noyá natanarinquëmaꞌ. Insosona tëhuëhuachin, noꞌtëquën anaꞌintacaso shaꞌhuitapi. Co tëhuërinsopitasohuëꞌ nipirinhuëꞌ, co anaꞌintaponahuëꞌ.

1 Samuel 2:25

Aꞌna piyapi maꞌsha onpotohuachinpoaꞌ, Sinioro nanitërin paꞌpoyainpoasoꞌ. Napoaponahuë Sinioro maꞌsha onpotohuatëhuaꞌ: ¡Co insonta yaꞌhuërinhuëꞌ paꞌpoyainpoasoꞌ!” itërin. Napotopirinhuëꞌ, inahuariso co paꞌpina yanatëpihuëꞌ. Siniorori nani chinotërin tëpacaso niꞌton, co natëtopihuëꞌ.