1 Reyes 8:14 - Chayahuita (Shahui)

¹⁴ Itahuaton, israiroꞌsa huanirantapaiso yaꞌhuërëꞌ, tahuërëtaantarin. Tahuërëtahuaton noya yaꞌhuëcaiso marëꞌ shaꞌhuitërin:

1 Reyes 8:14 ပူးပေါင်းရင်းမြစ်များ

2 Samuel 6:18

Nani inapita Sinioro marëꞌ ahuíquitohuachinara, yaꞌipi israiroꞌsa itapon: “Siniorosoꞌ yaꞌipi nanitaparin. Inari chachin catahuaráponquëma niꞌton, nóya yaꞌhuëaramaꞌ,” itërin.

Nehemías 8:7

Cosoi, Pani, Siripiasë, Camin, Acopa, Sapitai, Otiasë, Maasiasë, Quirita, Asariasë, Cosapito, Anan, Piraia, inapitaso nihuiroꞌsaꞌ. Ina niꞌtona Yosë pënëntërinsoꞌ nontohuachina, maꞌsona tapon naporinsopita piyapiꞌsa aꞌninquëchin shaꞌhuitapi. Yosë pënëntërinsoꞌ quirica chiníquën nontahuatonaꞌ, maꞌsona tapon naporinsopita shaꞌhuiantapi.

Nehemías 9:2

Nisharoꞌsarë niyaꞌtontopirinahuëꞌ, inapita aꞌporahuatonaꞌ, Sinioro marëꞌ huanipi. Shimashonënapitarë chachin co noyahuëꞌ nicatona oshahuanpisoꞌ, yonquipi.

Salmos 118:26

Sinioro chachin aꞌnara aꞌpaimarin huaꞌanëntiinpoaso marëꞌ. ¡Ma noyacha inasoꞌ oꞌmaton huaꞌanëntarinpoa paya! Yosë chinotacaso pëi quëran noya yaꞌhuëcamaso marëꞌ shaꞌhuitarinquëmaꞌ.

Éxodo 33:10

Israiroꞌsasoꞌ, chitoro yaꞌcoanaquë chinirinso niꞌpi. Ina niꞌpachinara, aꞌnaya aꞌnaya yaꞌcoananënaquë isonahuatona Yosë chinotopi.

Mateo 13:2

Inaquë notohuaroꞌ piyapiꞌsaꞌ niyontonpi natanacaiso marëꞌ. Huaꞌhuayatërahuëꞌ tancapitohuachinara, potiquë yaꞌconahuaton, huënsëmarin. Iiꞌ yonsánshaquë huarëꞌ piyapiꞌsaꞌ yamorapi.