1 Reyes 8:1 - Chayahuita (Shahui)

¹ Yosë chinotacaso pëiꞌ tënipiso piquëran, Saromonsoꞌ Quirosarinquë israiroꞌsa ayontonin. Ansianoꞌsa nipisopita aꞌnaya aꞌnaya huëntonënaquë, huaꞌan yaꞌconpisopita, aꞌnapitanta huaꞌanoꞌsa pochin chiníquën nanantopisopita, inapita ayontonin. Siniororëꞌ anoyatopiso caposonën paꞌpincori acorin quëran, Yosë chinotacaso pëiquë quëpacaiso marëꞌ naporin.

1 Reyes 8:1 ပူးပေါင်းရင်းမြစ်များ

2 Samuel 6:6

Nacon itopisoꞌ trico toꞌnorarinquë canquiasoi chachin tororoꞌsasoꞌ, iꞌpaconpi. Ina nicaton Osasoꞌ, Sinioro caposonën pitë pitëtëarin: “Anotarin,” taꞌton naporin.

1 Reyes 2:10

Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi.

1 Reyes 3:15

Naporoꞌ Saromonso capayatahuaton, tapon: “Siniorochi huëꞌëhuëquë nontërinco paya,” tënin. Ina quëran Quirosarinquë canconpachina, Siniororë anoyatopiso caposonën yaꞌhuërinquë yaꞌconconin. Inaquë yaꞌconaton oshanën marëꞌ maꞌsharoꞌsa tëparin. Tëparahuaton yaꞌipi ahuiquitërin. Nanan anoyatërinso marëntaꞌ, maꞌsharoꞌsa tëparin. Inapotaton yaꞌipi catahuacaiso marëꞌ huaꞌanoꞌsa acorinsopita, ichicoshatërin.

Esdras 3:1

Pascoa yoqui quëran canchisë yoqui nanihuachina, israiroꞌsaso imënamëaꞌhuaroꞌsa pita naꞌhuëpi. Naporoꞌ yoquiquë yaꞌhuëpi quëran huëꞌsahuatonaꞌ, Quirosarinquë niyontonpi. Yaꞌipiya quëran niyontonpi co pahuanpihuëꞌ.

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Josué 24:1

Siquimo ninanoquë Cosoi yaꞌipi Israiro huëntonoꞌsa ayontonin. Ansianoroꞌsaꞌ, huaꞌanoꞌsaꞌ, coisëroꞌsaꞌ, sontaro huaꞌanoꞌsaꞌ, inapita ayontonin. Sinioro chinotacaso marëꞌ nëꞌmëtë pëi ótënpisoꞌ notënanquë ayontonaton itapon: —Sinioro israiroꞌsanpoa chinotërëhuaso naporin: “Iráca shimashonëma Tari itopisoꞌ Iopiratisiiꞌ yonsanquë yaꞌhuërin. Huiꞌninpitasoꞌ: Apraan, Nacoro, inapita. Inaquë yaꞌhuëapona pochin inapitasoꞌ, nisha nisha mamanshiroꞌsa moshapi.

1 Pedro 2:6

Quiricanën quëran ina ninorin: “Yapëihuachinara, noya noya naꞌpi nohuantopi pëiꞌ achinicaso marëꞌ. Cristo ina naꞌpi pochin nisarin. Sionquë acoarahuë. Ina natëhuatamaꞌ, ‘Co naniantarinpoahuëꞌ,’ taꞌtomaꞌ, co sëtërëso pochin cancantaramahuëꞌ,” tënin Yosë quiricanënquë.