1 Reyes 6:7 - Chayahuita (Shahui)

⁷ Yosë pëinën acohuachinara, naꞌpiroꞌsa ocoipiquëranchin noyá tapapinan quëpi. Napoaton pëihuachinara co huachi martichoquë sacatopihuëꞌ. Co naꞌpi patëtopiquë tërantaꞌ, co maꞌsha huaꞌnaquë tëranta sacatopihuë niꞌton, tanahuantárin.

1 Reyes 6:7 ပူးပေါင်းရင်းမြစ်များ

1 Reyes 6:6

Yaꞌnatomarinso paꞌcotësoꞌ, cato mitro miria pancanatërin. Huancanachinsoꞌ, cara mitro yaꞌhuëtërin. Yaꞌnatontarinsoso nipirinhuëꞌ, cara mitro miria yaꞌhuëtërin. Yosë chinotacaso pëi pairanën acohuachinara, co napopináchin tanónën acopihuëꞌ. Noꞌpa quëransoꞌ, tano tanónën acopi. Huancana paꞌcotë partisoꞌ, shimënën miachin acopi. Inapa paꞌcotë partisoꞌ, shimë shimënën acopi. Ama paꞌcotëroꞌsa huicanëna paira aquëtëran huarëꞌ naꞌhuëcaso marëhuëꞌ, ina pochin acopi.

1 Reyes 6:8

Yaꞌnatomarinso paꞌcotë yaꞌcoananën, inchinan parti quëran acotopi. Huancana paꞌcotëꞌ, inapa paꞌcotëꞌ, inaquëpita pantacaso marëꞌ tahuirantarin nanpënanquë pantapi.

Éxodo 20:25

Naꞌpi quëran yanipatamasoꞌ, ama patëtopinan naꞌpi quëran nicosohuëꞌ. Huaꞌnaquë naꞌpi patëtohuachinara, co huachi artaro marëꞌ noyahuëꞌ.

Isaías 42:2

Nonpachin co chiníquën yaitosáponhuëꞌ. Co cachiroꞌsaquë iquianan quëran pënëntaponhuëꞌ.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 9:23

Aꞌnaquënpoaso nipirinhuëꞌ, nosoroatonpoaꞌ nichaꞌësarinpoaꞌ. Inaora nohuanton, nosororinpoaꞌ. Iráca chachin yonquirinpoaꞌ nichaꞌëinpoaso marëꞌ. Anoyacancantohuachinpoaꞌ, piyapiꞌsaꞌ naꞌcon Yosë yonquiapi. “Ma noyacha catahuarin paya,” tosapi.

2 Corintios 5:5

Yosë acorinpoaꞌ nasha nonënpoaꞌ yaꞌhuëtinpoaso marëꞌ. Tëhuënchachin inápaquë noya ananpitaantarinpoaꞌ, tënëhuaꞌ. Sichoquë marca acorëso pochin nani Ispirito Santo ayaꞌcoancantërinpoaꞌ niꞌton, nitotërëhuaꞌ.

Colosenses 1:12

Nani anoyacancantohuachinpoara, huëntonënquë chachin ayaꞌconinpoaꞌ. Huiꞌninpita pochin niꞌsarinpoaꞌ. Iporasoꞌ ina catahuahuachinpoaꞌ, tahuëri pochin cancantarihuaꞌ. Naporahuatëhuaꞌ, yaꞌhuërinquë chachin yaꞌhuëcontarihuaꞌ. Ina marëꞌ noya cancantatëhuaꞌ “Yosparinquën Sinioro,” itarihuaꞌ.

Santiago 1:20

Noꞌhuitohuatëhuaꞌ, co nanitarihuahuëꞌ noya nicacasoꞌ. Ina marëꞌ co Yosë noya niꞌsarinpoahuëꞌ.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.