1 Reyes 6:29 - Chayahuita (Shahui)

²⁹ Yaꞌipi pairatopiquë, acoana quëran, aipiran quëran nontëquë chachin patëtahuatonaꞌ, quiropinoꞌsa nonanpi. Palmeraroꞌsaꞌ, yancoroꞌsaꞌ, inapitanta nonanpi.

1 Reyes 6:29 ပူးပေါင်းရင်းမြစ်များ

1 Reyes 6:18

Yaꞌipi acoana nontëroꞌsa achinpitopiquë, noyápiachin nonanpi. Nontëquë chachin patëtahuatonaꞌ, yancoroꞌsaꞌ, sharoꞌsa nitopisoꞌ, inapita nonanpi. Nonarasáchin yaꞌnorin. Co aꞌna naꞌpi tëranta yaꞌnorinhuëꞌ.

1 Reyes 6:28

Inapitanta oro quëran pashitacaisoꞌ, camaitërin. Camaitohuachina inapotopi.

1 Reyes 6:30

Acoana iꞌnatopisontaꞌ, yaꞌipiana chachin oro quëran pashitopi. Noya noya patoanaquëntaꞌ, inapotopi. Ina yaꞌcoananënsoꞌ, catotë huarëꞌ yaꞌhuëtërin. Inapitasoꞌ, oripo nontë quëran nitopi. Inapitaquënta patëtahuatonaꞌ, quiropinoꞌsaꞌ, palmeraroꞌsaꞌ, yancoroꞌsaꞌ, inapita nonanpi. Inapotahuatonaꞌ, oroquë pashitopi antaꞌ. Ina yaꞌcoanasoꞌ, aꞌnatërápo cachinën yaꞌhuëtërin. Noꞌpa parti quëran cato yaꞌhuëtërin. Inapa quëransoꞌ, cara cachinën yaꞌhuëtërin.

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Salmos 148:2

¡Yaꞌipi Sinioro anquëninëpitari ina chinochinaꞌ! ¡Ina sontaronëna nipisopitantaꞌ, ina paꞌyachinaꞌ!

Efesios 3:10

Naꞌcon Yosë yonquirinpoaꞌ. Ina nohuanton, oshaquëran aꞌnaya aꞌnayanpoaꞌ imarëhuaꞌ. Iporasoꞌ naꞌaquënpoaꞌ imapatëhuaꞌ, Quisocristo huëntonënquë yaꞌconëhuaꞌ. Inápaquë chiníquën nanantopisopitantaꞌ nicatënënpoaꞌ: “Ma noya Yosë yonquirin niꞌton, anoyacancantaton, huëntonënquë chachin ayaꞌconin paya,” tosapi.

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.