1 Reyes 6:23 - Chayahuita (Shahui)

²³ Cato quiropinoꞌsantaꞌ, anitërin. Oripo nara quëran anitahuaton, noya noya patoana nininquë acorin. Aꞌnaya aꞌnaya catapini mitro miria naporopitërinso anitërin.

1 Reyes 6:23 ပူးပေါင်းရင်းမြစ်များ

Génesis 3:24

Piyapi ocoirahuaton, piꞌi pipirin parti quëran aꞌpaito anquëniroꞌsa acorin. Inapitasoꞌ, quiropinoꞌsa itopi. Noyápiachin nararo aꞌpaicaiso marëꞌ acorin. Ina yaꞌcarintaꞌ, sahuëni orotaton huënin huënintárin acorin. Ama incari tëranta nanpirin nara yaꞌcaricaso marëhuëꞌ, aꞌpairapi.

1 Reyes 6:24

Aꞌnaya aꞌnaya anpiantëna cato mitro miria pochin yaꞌhuëtërin. Napoaton cato quëransoꞌ, catapini mitro miria yaꞌhuëtopi. Inapitasoꞌ inanapapiráchin nipi. Naporahuaton napopináchin yaꞌnopi.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

1 Pedro 1:12

Ina quëran Yosëri anitotërin. “Pahuanarin nanicasoꞌ. Aꞌna tahuëri yaꞌhuëpisopita nitotacaiso marëꞌ ca nohuanton, ninoramaꞌ,” itërin Yosëri. Canpita iyaroꞌsaꞌ nitotacamaso marëꞌ ninopi. Iporasoꞌ ina noya nanan chachin aꞌchintërainquëmaꞌ. Inápa quëran oꞌmaton, Ispirito Santo catahuarincoi noya aꞌchinaꞌhuaiso marëꞌ. Anquëniroꞌsa quëran huarëꞌ yanitotopirinahuëꞌ, co yaꞌipiya nitotopihuëꞌ.