1 Reyes 5:7 - Chayahuita (Shahui)

⁷ Iran piyapinënpitasoꞌ, paꞌsahuatona ina inachachin huaꞌanëna shaꞌhuitontapi. Natanaton, inaso capa cancantërin. Capa cancantaton tapon: “¡Ma noyacha Sinioroso paya! Ina nohuanton Tapico huiꞌnin, yonquínahuan ninin. Ina pochin niꞌton, israiroꞌsa nóya huaꞌanëntapon,” tënin.

1 Reyes 5:7 ပူးပေါင်းရင်းမြစ်များ

Génesis 33:5

Ina quëran Isaosoꞌ, sanapiꞌsaꞌ, huaꞌhuaroꞌsa inapita niꞌnin. Niꞌsahuaton iin natanin: —¿Isopita poꞌ? ¿Inpitata? itërin. —Huiꞌnahuëpita taꞌa. Yosë nohuanton yaꞌhuërinsoꞌ, tënin Cacopo.

1 Reyes 10:9

Sinioroso Yosënën niꞌton, noya nicatënquën acorinquën israiroꞌsa huaꞌanëntamaso marëꞌ. Inasoꞌ, israiroꞌsa nosororinsoꞌ co onporonta nishatarinhuëꞌ. Napoaton, noꞌtëquën huaꞌanëntacaso marëꞌ acorinquën. ¡Ma noyacha Sinioroso paya!” itërin.

1 Reyes 3:9

Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

1 Reyes 5:6

Napoaton catahuaco. Piyapinënpita camaiquë Nipano motopiroꞌsa quëran nonara ocoichinaco. Ina ocoicaiso marëꞌ piyapinëhuëpitantaꞌ, quëma piyapinënpita catahuaponaꞌ. Canpita noꞌpanëmaquë sitonoꞌsa yaꞌhuëpi. Inapitasoꞌ misotopi nontëquë sacatacaisoꞌ. Quiyasoꞌ israiroꞌsacoi co ina nitotëraihuëꞌ. Napoaponahuëꞌ piyapinënpita sacatërinso marësoꞌ, maꞌsona nohuantëransoꞌ natanco noꞌtëquën pahuërëꞌinquëmaꞌ,” itërin.

1 Reyes 5:8

Ina tosahuaton Saromon shaꞌhuitacaiso marëꞌ piyapinënpita aꞌpataantarin: “Naporansoꞌ, nani piyapinëhuëpita shaꞌhuitërinaco. Natanancoso chachin nonara, pino nara, inapita aꞌpataranquën. Piyapinëhuëpitari Nipano motopiroꞌsa quëran marëꞌpaꞌ tëꞌyaitaponaꞌ. Inaquë nantënahuatonaꞌ, marë quëpatapi. Insëquësona nohuantëranquë quëꞌcamahuachinaꞌ, piyapinënpitari iꞌshiritahuatona quëpataponën. Ina marëꞌ quëmanta nisha nisha cosharo quëtaranco yaꞌhuërahuëquë piyapinëhuëpita capacaiso marëꞌ,” itërin.

Salmos 137:6

Nënërahuënta piracotëquë chinpiaton tachichin. Quirosarináchin yonquiato tëhuënchinsoꞌ, noya cancanchi.

Proverbios 13:1

Yonquínahuan huiꞌnapi nipachin, paꞌpini pënënaton anaꞌintohuachina, noya cancantërin. Co natantonhuëꞌ nininsosoꞌ, co pënënacasoꞌ tëranta nohuantërinhuëꞌ.

Proverbios 23:24

Yonquínahuan nisahuaton noya huiꞌnapi nipachin, noꞌtën chachin paꞌpinsoꞌ, noya cancantarin. “Ma noyacha huiꞌnahuë yaꞌhuëtërinco paya,” taꞌcasonta nanitërin.

Isaías 8:18

Sinioro yaꞌipi nanitaparinsoꞌ, Sion motopiquë yaꞌhuërin. Huiꞌnahuëpita ina quëtërincosopitarëꞌco chachin israiroꞌsa ayonquicaꞌhuaiso marëꞌ acorincoi.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.