1 Reyes 5:12 - Chayahuita (Shahui)

¹² Inapoaton Siniorori Saromon catahuarin yonquínahuan nicacaso marëꞌ. Shaꞌhuitërinso chachin acotërin. Naporahuaton Saromonisoꞌ, Iran copirnorëꞌ noya ninicatona yaꞌhuëcaiso marëꞌ anoyatopi.

1 Reyes 5:12 ပူးပေါင်းရင်းမြစ်များ

Génesis 21:32

Nani anoyatohuachina Apimiricosoꞌ, Huicororë chachin huiristinoꞌsa noꞌpanën parti paantapi.

1 Reyes 3:12

Napoaton natanancosoꞌ, carinquën quëtaranquën. Ca nohuanton aꞌnapita quëran yonqui yonquínahuan nisaran. Iráca quëran huarëꞌ co insonta quëma pochin nininhuëꞌ. Aꞌna tahuërinta yaꞌhuëpirinahuëꞌ co quëma pochin nisapihuëꞌ.

1 Reyes 5:13

Naporo tahuëriꞌsa Saromonsoꞌ, israiroꞌsari catahuacaiso marëꞌ, sontaroꞌsa chiníquën nanan quëtërin piyapiꞌsa huayonacaisoꞌ. Inapoatonaꞌ, yaꞌipi israiroꞌsa noꞌpanënaquë cara shonca huaranca quëmapiꞌsa yontonpi.

Salmos 127:1

Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Proverbios 1:1

Saromonsoꞌ, Tapi huiꞌnin. Inasoꞌ, Israiro copirno yaꞌconahuaton, pënëinpoaso marëꞌ, naꞌa aꞌchinacaso nananoꞌsa ninshitërin. Ina nananoꞌsasoꞌ, yonquínahuan nicacamaso marëꞌ anitotarinquëmaꞌ. Noya nanpicamaso marëꞌ yaaꞌchintatënquëmaꞌ, naporin.

Eclesiastés 12:9

(-)

Amós 1:9

Ina quëran Sinioro taantarin: “Tiro ninanoquë yaꞌhuëpisopitantaꞌ, paꞌpi co noyahuëꞌ nipi. Inapitasoꞌ, aꞌna noꞌpaquë yaꞌhuëpisopitarëꞌ iina pochin ninicacaiso marëꞌ nani anoyatopi. Napoaponaraihuëꞌ inapita chachin masahuatonaꞌ, itomoroꞌsari asacatacaiso marëꞌ paꞌanconpi. Napoaton Tiroquë yaꞌhuëpisopita, anaꞌintaꞌhuaso yaꞌhuërin.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.