1 Reyes 5:1 - Chayahuita (Shahui)

¹ Tiro copirno Iran itopisosoꞌ, Saromon paꞌpincorëꞌ noya nipayapi. Saromoni huachi paꞌpin yaꞌhuërëtaton, israiroꞌsa huaꞌanëntarinso natantërin. Ina natantaton, catahuacaso marëꞌ huaꞌanoꞌsa acorinsopita aꞌpatërin. Noya cancantërinso shaꞌhuitacaiso marëꞌ naporin.

1 Reyes 5:1 ပူးပေါင်းရင်းမြစ်များ

Génesis 15:18

Naporo tahuëri chachin, Sinioro Apranë anoyatërin. Anoyataton itapon: —Shiparinpita iso noꞌpaꞌ quëtarahuë: Iquipito iꞌ quëran huarëꞌ Iopiratisiiꞌ pancaiꞌpaꞌ, huaꞌanëntopiso naniarin.

2 Samuel 5:11

Napoaton Tiro copirno Iran itopisori, piyapinënpita huaꞌanoꞌsa nininsoꞌ aꞌpatiirin. Nontë camayoroꞌsaꞌ, naꞌpi camayoroꞌsaꞌ, inapitanta aꞌpatiirin. Inapitari pëinën nitacaiso marëꞌ nonara nontë quëpatopi.

1 Reyes 10:25

Naporahuaton nani piꞌiquë maꞌsha tëranta quëpatopi nicanacaiso marëꞌ. Prata quëran nipisoꞌ, oro quëran nipisoꞌ, aꞌmocaiso nipisopita, ahuëtacaiso marëꞌ ohuarapisopita, cosharo apimotacaso marëꞌ yaꞌhuërinsopita, cahuarioroꞌsaꞌ, moraroꞌsaꞌ, inapita quëpatopi.

1 Reyes 5:10

Inapoaton Iransoꞌ, nonara, pino nara, inapita Saromon quëtërin. Onposona nohuantërinsoꞌ quëtërin.

1 Reyes 5:13

Naporo tahuëriꞌsa Saromonsoꞌ, israiroꞌsari catahuacaiso marëꞌ, sontaroꞌsa chiníquën nanan quëtërin piyapiꞌsa huayonacaisoꞌ. Inapoatonaꞌ, yaꞌipi israiroꞌsa noꞌpanënaquë cara shonca huaranca quëmapiꞌsa yontonpi.

Salmos 72:8

Aꞌna marë quëran, aꞌna marëꞌpaꞌ huaꞌanëntërinso noꞌpaꞌ naniin. Iopiratisiiꞌ quëran, isoroꞌpaꞌ nanirinquë huarëꞌ huaꞌanënchin.

Salmos 80:12

Quëmasoꞌ yaꞌipi nanitaparan. Quiyasoꞌ quëma opanën pochin nipiraihuëꞌ: ¿Onpoatonta co huachi paꞌpoyarancoihuëꞌ? Inimiconëhuëipita naꞌhuëpona pochin maꞌsha onpotërinacoi. Naman pochin cancantatonaꞌ, yapëꞌyarinacoi. Inápa quëran nocorahuatoncoi, nosorocoi. Ama huachi anaꞌintocoisohuëꞌ.

Éxodo 34:24

Cari chachin yaꞌyoraninquëmasopita nacionoꞌsa aꞌpararahuë. Napoaton pancana huaꞌanëntaramaꞌ. Ina niꞌton, nani piꞌiquë cararo chinotamacoso marëꞌ huëꞌsaramaꞌ. Huëꞌpatamaꞌ, co insonta noꞌpanëma matiimaso yonquiaponhuëꞌ.

Amós 1:9

Ina quëran Sinioro taantarin: “Tiro ninanoquë yaꞌhuëpisopitantaꞌ, paꞌpi co noyahuëꞌ nipi. Inapitasoꞌ, aꞌna noꞌpaquë yaꞌhuëpisopitarëꞌ iina pochin ninicacaiso marëꞌ nani anoyatopi. Napoaponaraihuëꞌ inapita chachin masahuatonaꞌ, itomoroꞌsari asacatacaiso marëꞌ paꞌanconpi. Napoaton Tiroquë yaꞌhuëpisopita, anaꞌintaꞌhuaso yaꞌhuërin.

Números 24:7

Israiroꞌsasoꞌ, notohuaroꞌ iꞌsha yaꞌhuëtapi. Oꞌocaisoꞌ, shaꞌtopiso opotacaisoꞌ, inapita marëꞌ yaꞌhuëtapi. Copirnonënantaꞌ, chini chiníquën nanantapon. Napoaton Acaco copirno canamiatapon.

1 Samuel 10:27

Aꞌnaquëniso napoaponahuëꞌ, nocanatona itaponaꞌ: “¡Co onporonta isoso inimiconënpoapita quëran nichaꞌësarinpoahuëꞌ!” topi. Napotatona nocanpi. Naporahuaton co maꞌsha tëranta noya nicatonaꞌ, nicarapihuëꞌ. Saonoso nipirinhuëꞌ, napopisoꞌ natanaponahuëꞌ, co nataninhuë pochin ninin.