1 Reyes 3:9 - Chayahuita (Shahui)

⁹ Ina pochin nacionsoꞌ, co insonta nanitërinhuëꞌ inaora noya huaꞌanëntacasoꞌ. ¡Quëmari anitotohuatan tëhuënchinsoꞌ, noya camaitapon! Napoaton yonquínahuan nicaꞌhuaso marëꞌ catahuaco. Noya nininsoꞌ, co noyahuëꞌ, nininsoꞌ inapita nitochi. Inapita nitotohuato piyanënpita noya huaꞌanëntarahuë,” itërin.

1 Reyes 3:9 ပူးပေါင်းရင်းမြစ်များ

1 Reyes 10:24

Napoaton naní quëran yaniꞌpi. Noninsonta yanatanpi. Yosëri yonquínahuan acorin niꞌton, yanatanpi.

1 Reyes 3:10

Ina natanaton, Siniorosoꞌ noya cancantërin.

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

Salmos 119:144

Camaitëransopitasoꞌ, noꞌtëquënáchin camaitëran. Catahuaco yonquínahuan nicato yaꞌhuëꞌi.

Jeremías 1:6

Napotohuachincora: “¡Maꞌhuantacha Sinioro yanitëranco paya! Caso huiꞌnapico niꞌto, co nito nonahuëꞌ,” itërahuë.

Daniel 2:21

Quëma nohuanton tahuëriroꞌsa nishatërin. Quëma nohuanton copirnoroꞌsanta yaꞌconpi. Quëmari chachin inapitanta ocoiran. Quëmari yonquinahuanoꞌsanta yonqui quëtëran.

Mateo 3:11

Co noyahuëꞌ yonquiramasopita naniantohuatamaꞌ, iꞌquë aporintaranquëmaꞌ. Ca piquëranso nipirinhuëꞌ aꞌna quëmapi huëꞌsarin. Inasoꞌ chini chiníquën nanantërin. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌto, co sapatën quëpacaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ pënquë chiníquën anaꞌintarinquëmaꞌ.

Mateo 3:14

Napotopirinhuëꞌ, co nohuantërinhuëꞌ. —¿Maꞌmarëtaꞌ napotiiranco? Co aporintaꞌhuanquënsoꞌ yaꞌhuërinhuëꞌ. Quëma aporintoco tëhuënchinsoꞌ, itërin.

Juan 5:30

Ina quëran Quisosori itantarin: “Co caora nohuanto mantaꞌ ninahuëꞌ. Tata Yosë shaꞌhuitohuachincora, inachachin shaꞌhuirahuë. Co casoꞌ nisha yonquirahuëꞌ. Tata yonquirinsoráchin nohuantërahuë. Napoaton noꞌtëquën anaꞌintarahuë.

2 Corintios 2:16

Inapitasoꞌ chimipi anarinso pochin nicatonacoi, co natëtopihuëꞌ niꞌton, chiminpachinaꞌ, parisitomiatapi. Natëpisopitaso nipirinhuëꞌ pimóchin imërëso pochin nicatonacoi, chaꞌësahuatonaꞌ, nanpimiatapi. ¿Incaritaꞌ nanitërin ina pochin noya aꞌchinacasoꞌ? Co insontaꞌ nanitërinhuëꞌ inaora aꞌchinacasoꞌ, tënahuë.

2 Corintios 3:5

Quiyaora co piꞌpisha tërantaꞌ nanitëraihuëꞌ noya aꞌchintaꞌhuainquëmasoꞌ. Yosëíchin ananitërincoi. Co catahuarincoihuëꞌ naporini, co canpitantaꞌ cancanëma quëran imaitomahuëꞌ.

Efesios 5:17

Ama topinan quëran yaꞌhuëcosohuëꞌ. Yosë nohuantërinsoꞌ nitotatomaꞌ, natëcoꞌ.

Filipenses 1:10

Yosë nanamën naꞌcon yonquihuatamaꞌ, noya noya nitotatomaꞌ, noya nisaramaꞌ. Noꞌtëquën yonquihuatamaꞌ, noyápiachin cancantaramaꞌ. Noyasáchin nipatamaꞌ, Quisocristo oꞌmantahuachina, nóya niꞌsarinquëmaꞌ. Co anaꞌintarinquëmahuëꞌ.

Hebreos 5:14

Chinotonoꞌsaso nipirinhuëꞌ, cosharomia caꞌpi. Inapochachin noya noya imapisopitasoꞌ noꞌtëquën yonquiapi. Noya nicacasoꞌ noꞌquitonaꞌ, co noyahuëꞌ nininsoꞌ aꞌnaroáchin aꞌporapi.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.