1 Reyes 3:4 - Chayahuita (Shahui)

⁴ Capaon ninanoquë huarënta paꞌsahuaton, Yosë chinotacaso marëꞌ maꞌsha tëparin. Inaquë yaꞌhuërinso artaro naꞌcon naꞌcon yamotopi niꞌton, inaquë huarëꞌ paꞌnin Yosë chinotapon. Aꞌna tahuëri ina marëꞌ huaranca maꞌsha atëpatërin. Inapotaton oshanën marëꞌ corto huaꞌanoꞌsari noyá ahuiquitopi.

1 Reyes 3:4 ပူးပေါင်းရင်းမြစ်များ

1 Reyes 8:4

Aꞌnapitantaꞌ, nëꞌmëtë pëinën soꞌnanapi. Soꞌnanahuatona inarë chachin quëpapi. Inaquë ohuaracaiso marëꞌ nisha nisha acopisontaꞌ, quëpapi. Iráca Yosë camaitërinso chachin nitopi.

Isaías 40:16

Yaꞌipi Nipano tananquë tëranta maꞌsharoꞌsa ina marëꞌ tëpacaisoꞌ co naniarinhuëꞌ. Inaquë naꞌcon ihuë yaꞌhuëpirinhuëꞌ, co ina tëranta naniarinhuë Yosë marëꞌ ahuiquitacaisoꞌ.

Josué 10:2

“Capaonsoꞌ, panca ninanoꞌ. Ai ninano quëran panca panca. Naporahuaton noya noya ninin. Copirnoroꞌsa ninano huaꞌanëntopiso pochin niconin. Piyapinënpitanta noyá nitotopi ahuëtacaiso niponaraihuëꞌ napopi,” topi.

1 Samuel 13:9

“Coꞌhuara ahuëchátërasocoihuëꞌ, maꞌsha tëparahuato Sinioro chinochi,” tënin. Ina yonquiaton Saonosoꞌ piyapinënpita camairin: —Maꞌsharoꞌsa yaꞌipi ahuiquitatë Sinioro chinotacaso nipisopita quëcoꞌ. Nanan anoyatërëhuaso marënta nipisopita quëcoꞌ, tënin. Napohuachina quëshipi. Nani quëshihuachinara inaora chachin tëparahuaton yaꞌipi ahuiquitërin.