1 Reyes 3:3 - Chayahuita (Shahui)

³ Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

1 Reyes 3:3 ပူးပေါင်းရင်းမြစ်များ

1 Reyes 11:34

Napoaponahuëꞌ, yaꞌipi huaꞌanëntërinso co ipora osërëtarahuëꞌ. Paꞌpincoꞌ noya nicato, chiminaquë huarëꞌ huaꞌanëntacaso quëtarahuë. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin niꞌton, napotarahuë.

1 Reyes 11:38

Yaꞌipi camairanquënsopita natëton noya nipatansoꞌ, noya niꞌsaranquën. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin. Ina pochin quëmanta natëhuatanco, carinquën catahuaranquën niꞌton, quëmá quëran pipipisopitaráchin israiroꞌsa huaꞌanëntaponaꞌ. Tapi shaꞌhuitërahuëso chachin quëmanta nitaranquën.

1 Reyes 3:14

Nohuantërahuësoráchin nicaton, pënëntërahuësopita, camaitërahuësopita, inapita natëquëꞌ. Tataco natërincoso pochin nipatan, huaꞌqui tahuëri niꞌcamasoꞌ catahuaranquën,” itërin.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

1 Reyes 8:25

Naporahuaton, isonta tata Tapico nani shaꞌhuitëran: ‘Ca nohuanton quëmá quëran pipipisopitaráchin israiroꞌsa huaꞌanëntaponaꞌ. Quëma natërancoso pochachin inapitanta natëhuachinaco, inapoapi,’ itëran. Ina pochin shaꞌhuitëran niꞌton, ina inachachin nitëquëꞌ.

1 Reyes 8:61

Napoaton canpitanta Sinioro noꞌtëquën imacoꞌ. Ina Yosënënpoa chinotërëhuasoꞌ. Pënëntërinsopita, camaitërinsopita, inapita ipora tahuëri natërëhuaso pochachin nisácoꞌ,” itërin.

1 Reyes 9:4

Quëmasoꞌ tataparinco pochachin cancantaton natëco. Ama nonpinaton, canamaso yonquiquësohuëꞌ. Noꞌtëquënáchin piyapiꞌsa yonquirapiquëꞌ. Nani carima pënënanquëmaꞌ. Nani anitotëranquëma noꞌtëquën natëamacosoꞌ. Canpita capininta onpopinsona niniꞌcamasoꞌ, nani anitotëranquëmaꞌ.

2 Reyes 18:22

Naporahuaton: ‘Sinioroso Yosënëhuëi niꞌton, ina catahuaponcoi,’ tënamaꞌ. Iráca canpitasoꞌ, itohua itohua ina Yosë chinotamaso marëꞌ artaroroꞌsa yaꞌhuëtërinquëmaꞌ. Isiquiasëso nipirinhuëꞌ, ina artaroroꞌsa ayatëraꞌpiarin. Naporahuaton yaꞌipi Quirosarinquë yaꞌhuëramasopita, ‘iso ninanoquë artaro yaꞌhuërin. Isëquëáchin Sinioro chinotocoꞌ,’ itërinquëmaꞌ. Yaꞌipi Cota huëntonquë yaꞌhuëpisopitantaꞌ, ina chachin camairin.

Salmos 145:20

Sinioro nosoropisopitasoꞌ, inari paꞌpoyararin. Co noyahuëꞌ nipisopitasoꞌ, ataꞌhuantarin.

Mateo 22:37

—Inta nipachin shaꞌhuichinquën. Yosësoꞌ Sinioro niꞌton, huaꞌanëntërinpoaꞌ. Ina naꞌcon nosorocasoꞌ yaꞌhuërin. “Yaꞌipi cancanëma quëran, yaꞌipi huaꞌyanëma quëran, yaꞌipi yonquinëma quëran, yaꞌipi inaquëranpita nosoromiatocoꞌ,” tënin.

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Juan 14:21

Nani pënënanquëmasoꞌ nitotatomaꞌ natëhuatamaco, tëhuënchachin nosoroaramaco, tënahuë. Nosorohuatamaco, Tata Yosëntaꞌ nosoroarinquëmaꞌ. Carinquëmantaꞌ nosoroaranquëmaꞌ. Inápaquë panantaporahuëꞌ, cancanëma quëran nontaranquëmaꞌ. Noya noya nohuitaramaco,” itërin Quisosori.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

1 Corintios 8:3

Napoaponahuëꞌ, Yosë nosorohuatëhuaꞌ, ina pochin cancantarihuaꞌ. Ina quëran Yosë nohuitatonpoaꞌ, noya niꞌsarinpoaꞌ.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 10:13

Yaꞌipi camaitërinsopita, pënëntërinsopita, inapita natëcasoꞌ nohuantërin. Inapohuatëhua Yosë noya nicatonpoaꞌ, catahuarinpoaꞌ.

Deuteronomio 30:16

Ipora shaꞌhuitëranquëmasopita natëtomaꞌ, Sinioro nosoromiatohuatamaꞌ, noya yaꞌhuëaramaꞌ. Pënëntërinsopita, camaitërinsopita, aꞌchininsopita, inapita natëcoꞌ. Inapita natëtoma ina nonanpatamaꞌ, huaꞌqui tahuëri niꞌsaramaꞌ. Naporahuaton naꞌa huiꞌnamapita yaꞌhuëtarinquëmaꞌ. Sinioronënpoaso Yosë niꞌton, yaꞌconarama noꞌpaquë, noya catahuamiatarinquëmaꞌ.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.

Deuteronomio 30:6

Naporoso canpoarëꞌ anoyatërinso cancanëmaquë chachin ninshitërëso pochin, acoarin. Inapotatënquëma natëtochináchin cancantamaso marëꞌ catahuarinquëmaꞌ. Yaꞌipi cancanëma quëran nisahuaton, yaꞌipi huaꞌyanëma quëran nosoroamaso marëꞌ inapotarinquëmaꞌ. Inapohuatamaꞌ, noꞌpaꞌ quëtërinquëmaquë, huaꞌqui tahuëri niꞌsaramaꞌ.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

1 Samuel 9:12

—Yaꞌhuëárin mini. Napoaponahuëꞌ, nani yapaꞌsarin maꞌsha Sinioro marëꞌ tëpacaso nininsoꞌ, aꞌnopon. Inahuara nohuanton artaro acopiquë aꞌnopon paꞌsarin. Manon paꞌpatamaꞌ, quënancoanamaꞌ.