1 Reyes 3:14 - Chayahuita (Shahui)

¹⁴ Nohuantërahuësoráchin nicaton, pënëntërahuësopita, camaitërahuësopita, inapita natëquëꞌ. Tataco natërincoso pochin nipatan, huaꞌqui tahuëri niꞌcamasoꞌ catahuaranquën,” itërin.

1 Reyes 3:14 ပူးပေါင်းရင်းမြစ်များ

1 Reyes 11:34

Napoaponahuëꞌ, yaꞌipi huaꞌanëntërinso co ipora osërëtarahuëꞌ. Paꞌpincoꞌ noya nicato, chiminaquë huarëꞌ huaꞌanëntacaso quëtarahuë. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin niꞌton, napotarahuë.

1 Reyes 3:3

Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

Salmos 91:16

Huaꞌqui tahuëri nanpitomaꞌ, noya yaꞌhuëapomaꞌ. Nichaꞌëranquëmasoꞌ yonquiatomaꞌ, capa cancantaramaꞌ,” itërinpoaꞌ.

Proverbios 3:16

Inchinan quëran ihuëtatë pochin huaꞌqui tahuëri nanpicasoꞌ quëtarinpoaꞌ. Ahuënan quëran ihuëtatë pochin maꞌhuanacasoꞌ, noya nicatënënpoa natëinënpoasoꞌ, inapita quëtarinpoaꞌ.

Hechos 13:22

Yosëri ocoirahuaton, Tapi acorin. Quisi huiꞌnin inasoꞌ. Nóya quëmapi niꞌton, Yosëri noya niꞌnin. “Tapisoꞌ ca pochin cancantërin. Noya niꞌnahuë. Noꞌtëquën natëarinco,” tënin Yosë.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.