1 Reyes 3:12 - Chayahuita (Shahui)

¹² Napoaton natanancosoꞌ, carinquën quëtaranquën. Ca nohuanton aꞌnapita quëran yonqui yonquínahuan nisaran. Iráca quëran huarëꞌ co insonta quëma pochin nininhuëꞌ. Aꞌna tahuërinta yaꞌhuëpirinahuëꞌ co quëma pochin nisapihuëꞌ.

1 Reyes 3:12 ပူးပေါင်းရင်းမြစ်များ

1 Reyes 2:6

Napoaton yonquínahuan maꞌsha niquëꞌ. Inaporinso marëꞌ ama noya chiminchinsohuëꞌ.

1 Reyes 2:9

Ipora quëmarisoꞌ ama huachi nichaꞌëquësohuëꞌ. Yonquínahuanquën niꞌton, maꞌsona onpotacasoꞌ nitotaran. Inaporinso marëꞌ ama noya chiminchinsohuë antaꞌ,” itërin.

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

1 Reyes 5:12

Inapoaton Siniorori Saromon catahuarin yonquínahuan nicacaso marëꞌ. Shaꞌhuitërinso chachin acotërin. Naporahuaton Saromonisoꞌ, Iran copirnorëꞌ noya ninicatona yaꞌhuëcaiso marëꞌ anoyatopi.

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Daniel 1:17

Yosë nohuanton inapita huiꞌnapiꞌsasoꞌ, yonqui yonquícharahuatonaꞌ, nitoto nitotócharapi. Nisha nananquë quiricaroꞌsa ninshitopirinahuëꞌ, inanta nitotaantapi. Yaꞌipi aꞌchintopiso nitotopi. Naporahuaton Nanirisoꞌ, maꞌsona tapon huaꞌnapisopitanta nitotërin. Huaꞌnarëso pochin niꞌpachinantaꞌ, maꞌsona tapon naporinso nitotërin.

Mateo 12:42

Inapochachin iráca Saromon huaꞌanëntapon, copirno sanapi nininsoꞌ sor parti quëran huëꞌnin ina nontacaso marëꞌ. “Yaꞌipi nitotërin,” taꞌton, huëꞌnin natanapon. Napoaton ayaroꞌ tahuëri ina atapanarinquëmaꞌ. Saromon quëran casoꞌ naꞌcon naꞌcon nitotato, noya noya aꞌchintopiranquëmahuëꞌ, co yanatëramacohuëꞌ niꞌton, Yosë chiníquën anaꞌintarinquëmaꞌ, itërin Quisosori.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Deuteronomio 34:9

Moisësë coꞌhuara chiminyátëraponhuëꞌ, Cosoi marëꞌ Yosë nontërin. Sëꞌhuamotorahuaton huaꞌan acocaso marëꞌ, nontërin. Napoaton Siniorori catahuarin noya yonquiaton, israiroꞌsa camaicasoꞌ. Camaitohuachina, yaꞌipi israiroꞌsari natëpi. Siniorori Moisësë shaꞌhuitërinso chachin nipi.

Colosenses 2:3

Quisocristo yaꞌipi nitotërin. Noꞌtëquën yonquirin. Inasáchin catahuarinpoaꞌ noꞌtëquën yonquicasoꞌ. Ina naꞌcon yonquihuatëhuaꞌ, noya noya nitotarihuaꞌ. Naꞌa piyapiꞌsaꞌ co nitotopirinahuëꞌ, Yosë anitotërinpoaꞌ Quisocristo pochin yonquicaso marëꞌ.