1 Reyes 3:1 - Chayahuita (Shahui)

¹ Saromon copirno Iquipito copirnorëꞌ, noya niniꞌtona yaꞌhuëcaiso marëꞌ anoyatopi. Anoyatopiso yonquicaiso marëꞌ Saromonsoꞌ, Iquipito copirno huiꞌnin manin. Masahuaton, iracaya Quirosarin itopiquë ichiyaꞌhuëcaso marëꞌ quëparin. Sacatoroꞌsari, pëinën, Yosë pëinën, ninano paira, inapita tënicai huarëꞌ inaquë ichiyaꞌhuërin.

1 Reyes 3:1 ပူးပေါင်းရင်းမြစ်များ

2 Samuel 5:7

Naporoꞌ Tapisoꞌ sontaronënpita itapon: “Quiposoroꞌsa ahuëcamaso marëꞌ isopocoꞌ: Yayaꞌconpatamaꞌ, iꞌsha ninanoquë yaꞌconintaquëchin yaꞌconacamaso yaꞌhuërin. Nani yaꞌconpatamaꞌ, somarayaroꞌsaꞌ, sonpacharoꞌsaꞌ, inapita quihuitërinacosoꞌ tëpacoꞌ. ‘Inapitari tëranta yaꞌcopiapon,’ topiso marëꞌ inapita paꞌpi co quëꞌyarahuëꞌ,” tënin. Napoaton piyapiꞌsa nonpachinara napopi: “Somarayaroꞌsaꞌ, sonpacharoꞌsaꞌ, inapitasoꞌ, co onporonta Sinioro pëinënquë yaꞌconaponahuëꞌ,” topi. Inapotaton Tapisoꞌ sontaronënpitarë chachin quiposoroꞌsa yaꞌcontatona ahuëpi. Nani canarahuatona inaquë yaꞌhuërin. Napoaton inaso ninanoꞌ: “Tapi ninanonën,” itopi antaꞌ. Oshaquëranchin Quirosarin co pairahuanhuëꞌ nininsonta apairatërin. Noꞌpaꞌ paꞌpipi quëran apairatërinsoꞌ, pëinënquëꞌpaꞌ huarëꞌ nanirin.

1 Reyes 2:10

Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi.

1 Reyes 6:1

Copirno yaꞌconin quëran huarëꞌ Saromonsoꞌ, nani catapini piꞌipitarin. Naporoꞌ Yosë chinotacaso pëiꞌ anitacaso caniaritarin. Pascoa yoqui quëran aꞌna yoqui niantarinquë caniaritarin. Naporoꞌ israiroꞌsa Iquipito quëran pipipisoꞌ, nani catapini pasa posa shonca piꞌipi nanirin.

1 Reyes 9:1

Saromon Yosë chinotacaso pëiꞌ, inaora huaꞌanëntacaso pëiꞌ, inapita tënirin. Naporahuaton maꞌpitaso nicacasoꞌ yonquirinsopitantaꞌ, tënirin. Inapita tënihuachina, naquëranchin Siniorori yaꞌnotaantarin. Capaonquë yaꞌnotërinso pochachin nitaton, itapon: “Pëi anitatonco nontërancoso marëꞌ nani natananquën. Napoaton inaquë nontiinacoso marëꞌ acorahuë. Ina yonquiato cari aꞌpairápo.

1 Reyes 9:10

(-)