1 Reyes 22:6 - Chayahuita (Shahui)

^6-7 Napotohuachina Acaposoꞌ, pënëntonaꞌpiroꞌsa ayontonin. Catapini pasa ayontonahuaton natanin: —¿Sontaroꞌsaroco chachin paꞌsahuato, Namotoquë Siria sontaroꞌsa yaꞌhuëpisoꞌ, ahuëcoꞌin? itërin. Napotohuachina inahuari: —Noya paquëꞌ. Sinioro catahuararinquën niꞌton, inapita minsëaran, itopi. Napopirinahuëꞌ, Cosahuatoso Acapo natanin: —¿Coꞌtama aquëtë Sinioro marëꞌ pënëntërinso yaꞌhuërinhuë nica? inanta natanëhua naporini, noꞌtëquën anitochitonpoahuëꞌ, taantarin.

1 Reyes 22:6 ပူးပေါင်းရင်းမြစ်များ

1 Reyes 18:19

Iporasoꞌ Carmiro motopiquë israiroꞌsa ayontonquëꞌ. Catapini pasa aꞌnatërápo shonca yaꞌpi Paaro marëꞌ pënëntopisopitantaꞌ, përaquëꞌ. Catapini pasa Asira marëꞌ pënëntopisopitantaꞌ, huëꞌinaꞌ. Inapitasoꞌ Quisapirari pahuërërin, itërin Iniasëri.

1 Reyes 18:20

Iniasëri napotohuachina Acaposoꞌ, israiroꞌsa ayontonacaiso marëꞌ comisionoꞌsa aꞌparin. Yaꞌhuërëꞌ inaora chachinsoꞌ, Paaro marëꞌ pënëntopisopita Carmiro motopiquë ayontonin.

1 Reyes 22:10

Cosahuato, Acapo, inapitaso shiranënaquë huënsërantapi. Ahuëtai marëꞌ nitapapiquëranchin Samaria ninano prasaꞌhuayanënquë huënsëapi. Inasoꞌ prasaaꞌhuaya yaꞌcoana pirayan yaꞌhuërin. Inaquë aꞌnapita pënëntonaꞌpiroꞌsasoꞌ, pënëntápi.

1 Reyes 22:15

Acapotaquë canconpachina, inari itapon: —Micaiasë. ¿Noya ipora Namotoquë paato Siria sontaroꞌsa ahuëcaꞌhuasoꞌ to? itërin. —Paaton ahuëconquëꞌ. Canpita canataramaꞌ. Sinioro catahuarinquëma niꞌton, inimicoroꞌsa minsërahuatomaꞌ, ninano osërëtaramaꞌ, itërin Micaiasëri.

1 Reyes 22:5

Napoaponahuëꞌ, coꞌhuara paꞌshátërasëhuahuëꞌ, Sinioro natahuan. Ina nohuantërinsoꞌ anitochinpoaꞌ, itërin inarintaꞌ.

Mateo 7:15

Ina quëran itaantarin: “Niꞌcona iyaroꞌsaꞌ nonpin nanan pënëntonaꞌpiroꞌsaꞌ nonpintochinënquëmaꞌ. ‘Quiyantaꞌ imarai,’ itopirinënquëmahuëꞌ, co cancanëna quëran imapihuëꞌ. Tanan niꞌniꞌ yamapintërinso pochin cancantatonaꞌ, yatapicancaninquëmaꞌ. Co noꞌtëquën aꞌchinpihuëꞌ.

2 Timoteo 4:3

Aꞌna tahuëri piyapiꞌsaꞌ co nohuantapihuëꞌ Yosë nanamën natanacaisoꞌ. Nonpin nananoꞌsaꞌ nisha nisha aꞌchinpachinaꞌ, paꞌyatapi. Inahuara costapisorachin yanatanapi.

Apocalipsis 19:20

Quira nipachinara, huiri cahuario aipi huënsërinsoari canarin. Canarahuaton, maꞌsha paꞌpi tëꞌhuatoroꞌ nininsoꞌ masarin. Nonpin nanan pënëntonaꞌpintaꞌ, masarin. Inasoꞌ, sacaiꞌ nininsoꞌ nicaton, notohuaroꞌ piyapiꞌsaꞌ nonpintërin maꞌsha paꞌpi tëꞌhuatoroꞌ nininsoꞌ imacaiso marëꞌ. Marcanën niacotahuatonaꞌ, mamanshinën moshapirinahuëꞌ, minsëarin huachi. Minsërahuaton, cato chachin masahuaton, anaꞌintomiatarin. Nanpirapirinahuëꞌ, parisitopiquë tëꞌyatarin huachi. Inaquë panca sono shaꞌpimoꞌshirë chachin pën tënëntápon. Co onporontaꞌ pipiapihuëꞌ.