1 Reyes 22:4 - Chayahuita (Shahui)

⁴ Napotahuaton, Cosahuatonta natanin: —Siria sontaroꞌsa Namotoquë yaꞌhuëapi. ¿Coꞌtama quëmanta inapita ahuëaꞌhuaiso catahuaponcoihuëꞌ to? itërin. —Quëma topatan, catahuainquën nipachin. Sontaronëhuëpita ira paꞌtopisoꞌ, cahuarioquë paꞌpisoꞌ, inapitanta quëma sontaronënpita catahuararin.

1 Reyes 22:4 ပူးပေါင်းရင်းမြစ်များ

1 Reyes 22:29

Ina pochin Acapo, Cosahuato, inapitaso Namotoquë Siria sontaroꞌsa ahuëapona paꞌpi. Yaꞌipi sontaronënpitarë chachin paꞌpi.

1 Reyes 22:5

Napoaponahuëꞌ, coꞌhuara paꞌshátërasëhuahuëꞌ, Sinioro natahuan. Ina nohuantërinsoꞌ anitochinpoaꞌ, itërin inarintaꞌ.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

1 Corintios 15:33

Ama ina pochin yonquicosohuëꞌ. Niꞌcona aꞌnapita anishacancantochinënquëmaꞌ. “Co noyahuëꞌ nipisopitarëꞌquëmaꞌ nipayahuatamaꞌ, canpitantaꞌ nitapicancanaramaꞌ. Inapita nonanpatamaꞌ, co huachi noyápiachin cancantaramahuëꞌ,” topi iráca. Noꞌtëquën napopi.

Efesios 5:11

Aꞌnaquën tashi pochin cancantatonaꞌ, co noyahuëꞌ nipi. Topinan quëran yaꞌhuërapi niꞌton, ama inapita pochin cancantocosohuëꞌ. Noꞌtëquën shaꞌhuitocoꞌ co noyahuëꞌ nipisopita naniantacaiso marëꞌ.

2 Juan 1:11

Co Quisocristo natëtonahuëꞌ, co noyahuëꞌ nipi. Ama piꞌpian tërantaꞌ natanacamasoꞌ nohuantocosohuëꞌ. Canpitataquë nisha nanan aꞌchintohuachinquëmaꞌ, aꞌnaquën nonpin nanan imaponaꞌ nimara. Imapachinaꞌ, ina marëꞌ canpitantaꞌ oshahuanaramaꞌ.

Apocalipsis 2:26

Sopai minsëhuatamaꞌ, aꞌna tahuëri chiníquën nanan quëtaranquëmaꞌ. Ayaroꞌ tahuëriquë huarëꞌ natëhuatamaco, catahuaramaco nisha nisha piyapiꞌsaꞌ huaꞌanëntaꞌhuaso marëꞌ.