1 Reyes 22:39 - Chayahuita (Shahui)

³⁹ Iso quiricaquë, co yaꞌipi Acapo naporinso ninshitërahuëꞌ. Aꞌna quëmapinta ninshitaton: “Acapo huaꞌanëntapon naporinsoꞌ,” taꞌton ninshitërin. Huaꞌanëntacaso pëinën anitaton, huiri pomon quëran acoana taparinso shaꞌhuirin. Ninanoroꞌsa apairatërinsontaꞌ, shaꞌhuirin.

1 Reyes 22:39 ပူးပေါင်းရင်းမြစ်များ

1 Reyes 10:18

Huaꞌanëntacaso shiranëntaꞌ, huiri pomon quëran anitërin. Nani tënihuachinara, oro quëran yaꞌipi pashitopi.

1 Reyes 10:22

Tarsis ninano itopiquë Saromonsoꞌ nancharoꞌsa anitërin. Inapitaquë piyapinënpitari nani cara piꞌipi quëran oro quëshipi. Prata, huiri pomon, tanpahuanoꞌsaꞌ, nisha huaro huaroroꞌsaꞌ, inapita quëshipi. Iran copirno nanchanënpitarë chachin paꞌsahuatona quëshipi.

1 Reyes 22:40

Inapochin Acapo chiminin. Ina chiminpachina, huiꞌnin Ocosiasë itërinso yaꞌhuërëꞌ, israiroꞌsa huaꞌanëntërin.

Amós 3:15

Maꞌhuanoꞌsasoꞌ, oꞌnapi pëi yaꞌhuëtopi. Piꞌipi pëinta yaꞌhuëtopi. Yaꞌhuëtopirinahuëꞌ, cari yaꞌipi ataꞌhuantarahuë. Aꞌnaquën pëiroꞌsasoꞌ, huiri pomon quëranpita tapapitarapi. Aꞌnaquëonta panca nisahuaton noyápiachin pëiroꞌsa acopi. Inapopirinahuëꞌ, yaꞌipi ataꞌhuantarahuë.” Ca Sinioroco noꞌtëquën shaꞌhuitaranquëmaꞌ.