1 Reyes 22:23 - Chayahuita (Shahui)

²³ Naporin niꞌton, nonpintarinënsoꞌ nani nitotëran. Sinioro tëpainquënsoꞌ yonquirin. Napoaton sopairi pënëntonaꞌpiroꞌsa camairansoꞌ, anonsarin, itërin.

1 Reyes 22:23 ပူးပေါင်းရင်းမြစ်များ

1 Reyes 21:19

Quënanconpatan napotëquëꞌ: ‘Naporin Sinioro: Napoto tëparahuaton oparonën matëran. Inapotëran niꞌton, niꞌniraroꞌsari huënainën irotërin. Ina marëꞌ quëmanta inaquë chachin niꞌniraroꞌsa huënainën irotapënën,’ itëquëꞌ,” itërin.

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Éxodo 10:20

Napoaponahuëꞌ, Yosë nohuanton copirno co natantochináchinhuëꞌ cancantërin. Ina pochin cancantaton co israiroꞌsa yaaꞌparinhuëꞌ.

Éxodo 4:21

Coꞌhuara Iquipitoquë canshátërasohuëꞌ, Yosëri nani shaꞌhuitërin: —Iquipitoquë canpatan, copirno niꞌtonënquë huaranën quëran nani maꞌsha paꞌpi huëhuëpiro nininsopita niquëꞌ. Inanta chiníquën nanantërahuësoꞌ, nitotacaso marëꞌ inapoquëꞌ. Ca nohuanto co natëponquënhuëꞌ. Co natëtënquënhuëꞌ co israiroꞌsa yaaꞌpaponhuëꞌ.

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Jeremías 18:11

Naquëranchin Sinioro nontaantarinco: “Yaꞌipi Cota huënton israiroꞌsa shaꞌhuitëquëꞌ. Quirosarinquë yaꞌhuëpisopitanta shaꞌhuitëquëꞌ: ‘Ca Sinioroco anaꞌintaꞌhuanquëmaso yonquiarahuë. Napoaton co noyahuëꞌ ninamasopita aꞌporahuatomaꞌ, noya noya nicacamaso cancantocoꞌ,’ itëquëꞌ.

Jueces 9:23

(-)