1 Reyes 21:7 - Chayahuita (Shahui)

⁷ —¿Macairata huaꞌanquënsoꞌ? Ama ina marëꞌ sëtatonhuëꞌ, coshatëquëꞌ. ¡Carinquën quëtaranquën Napoto oparonën! itërin saꞌini.

1 Reyes 21:7 ပူးပေါင်းရင်းမြစ်များ

1 Reyes 21:6

—Napoto oparonën nohuantato, iso pochin nontërahuë: “Ina marë pahuërëꞌinquën. Co ina nohuantohuatanhuëꞌ, aꞌna oparo ina yaꞌhuërënamën noya noya nininso quëchinquën,” itërahuë. Napotopirahuë, co nohuantërinhuëꞌ, itërin soꞌini.

Amós 6:12

¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Rota naporinso' 3:7

Poososoꞌ coshatërin, oꞌorin, naporin. Naporahuaton noya cancantërin. Ina quëran sipata imopisoꞌ pirayan quëhuënin. Yono tashi Rotari, co irinaponahuëꞌ yaꞌcaririn. Nantëquën niimotërinsoꞌ paꞌshirapirin. Inapotahuaton nantën pirayan quëhuënin.

1 Samuel 8:14

Noꞌpanëma noya noya nininsopitanta matarinquëmaꞌ. Oparonëmaꞌ, oripororonëmaꞌ, inapita noya noyatërinsopita matarinquëmaꞌ. Matatënquëma catahuapisopita huaꞌanoꞌsa quëtapon.

1 Samuel 8:4

Napoaton Israiro ansianoꞌsa niyontonpi. Naporahuatonaꞌ, Samoiro nontacaiso marëꞌ Namaquë paꞌpi. Quënanconahuatona itaponaꞌ: “Nani quëmasoꞌ mashotëran. Napoaton co huachi nanitaranhuëꞌ huaꞌqui huaꞌanëntancoisoꞌ. Huiꞌnanpita mini acopiranhuëꞌ, inahuaso co quëma pochin nipihuëꞌ. Napoaton aꞌnara copirno acotocoi camaiincoiso marëꞌ. Aꞌnapita nacionoꞌsa napopiso pochachin quiyanta yaninai,” itopi.